फिलेमोन 1:14 - जिरेल

¹⁴ ईन्‍सीनोङ खोल्‍ला माठिबाला ङाला दिला दुरू ज्‍य्‌वाबा सेम मालासुङ। खुई ङाला खइँदा मद्धत बिन्‍सीन करला फाप्‍कीन खिता फापाच्‍योक मेन्‍देकी खोरोङ राजी खुशीकी थोक खासीन ङाला गा लाङगीदुक।

फिलेमोन 1:14 ပူးပေါင်းရင်းမြစ်များ

१ कोरिन्‍थी 9:17

थेमे दि काम ङाराङ खुशीकी खाबाते ईन्‍सीन तिरी ङे खइँदा इनाम ङेत्‍च्‍या ओतान। तर परमेश्‍वरगीराङ ङाला दि बात लोप्‍च्‍येते जिम्‍मा बिन्‍देकी ङा दि काम खिन ओत।

१ कोरिन्‍थी 9:7

च्‍यि ख्‍योकोनगी सुइँदा लडाइँला डोकान्‍ते मिल्‍टेरीकी थे खोरोङ खर्च सोकीन गालाते थोङा ओत? थेमे च्‍यि अंगूर खेती खित्‍कान्‍ते मिकी थे खोरोङ स्‍यीङगी अंगूर मास्‍साओ? थोकराङ खाला च्‍यि रा लुक सोला सुइँदेकी थेबे थारा ओमा मास्‍साओतरो?

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

२ कोरिन्‍थी 8:12

ख्‍योकोनते तेरच्‍येते सेम ओत्‍सुङ सासीन खेराङगी जति तेरा थुप्‍कीदुक थोस्‍यिकराङ बिन्‍सीनोङ परमेश्‍वरला लेमुराङ लाङगो। खेराङताङ ओतराङ मेतातेका परमेश्‍वरगी बिन सिनोङ मिसिरो।

२ कोरिन्‍थी 9:5

थोक मेङस्‍यीत सिनराङ ङाराङ ओङा भन्‍दा गोमाराङ दि न्‍वाओनला ख्‍योकोन ओत्‍सापा तोङा फाप्‍क्‍यो सिराच्‍योक लाबेकी ङा दिबाला थेपा ग्‍युक सिन तोङगीन ओत। था वाला दिबेकी ख्‍योकोनगी तेरग्‍यो साबाते थे पैसा गाङे जम्‍मा खाला ज्‍य्‌वाबा थुप्‍क्‍यो। दोक ओङनामेई ख्‍योकोन सुङगीङ करला फाप्‍कीन बिन्‍दाते मेन्‍देकी खेराङ राजी खुशीकी बिन्‍दाते दुका सिन ज्‍येनगी छ्या स्‍येक्‍यो।

२ कोरिन्‍थी 9:7

बात दोक ईन्‍देकी ख्‍योकोनगी खेराङला जति जति तेरा सेम लाङगीदुक उति उतिराङ बिन। सुइँदे करला फापाच्‍योक खाला तेरा सेम मालाङगीन मालाङगीन छ्याःङ मातेर। ज्‍येनला तेरजीन सुइँदे करला फाप्‍कीन तेरा फापाच्‍योक मिक्‍किता खाला सोचित्तेकी तेरकान्‍ते मिचेन परमेश्‍वरला मन परे खिओ।