मर्कूस 9:50 - जिरेल50 थेमे छा छाप्टो ओत्सीन लेमुराङ ईन। छेते छाप्टो तोरसुङ सासीन थे छेते च्यि काम? याङराङ च्यिकी थे छा छाप्टो जोच्ये? ख्योकोनचेन छाप्टो तोराते छा च्योक ओङा मेङगो। ख्योकोन खेराङ नाङ डिक्ला थुन्ला देत,” सिन सिदुक। အခန်းကိုကြည့်ပါ။ |
मर्कूस 9:50
28 ပူးပေါင်းရင်းမြစ်များ
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।
ကြော်ငြာတွေ