मर्कूस 9:32 - जिरेल

³² थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। थेमे थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

मर्कूस 9:32 ပူးပေါင်းရင်းမြစ်များ

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

मर्कूस 7:18

थोक सिरजीन थेकी “च्‍यि ख्‍योकोनगीङ ज्‍येनगी च्‍योकराङ थोरूमसाक छ्याःङ मोखोदुक? थे बातनी ख्‍योकोनगी खोबा फाप्‍च्‍येतेराङ ईन। चुक खाईन माखोसुङा? च्‍यि सासीन साच्‍येते जेराङ सोसीनोङ मिला पा मोफोगो।

मर्कूस 8:33

थोक खित्‍जीन चेलातेबा ओत्‍सापाला ख्‍युर ग्‍युरगीन थेकी पत्रुसला “शैतान, खो दुरू ङे मिगी दोन्‍दु मादेत। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मर्कूस 9:10

साबा च्‍योकराङ खाईन थेबेकीङ थे बात सुङलाङ मालाःप्‍सुङ। ईन्‍सीनोङ खोपरोङ सुमबो नाङचेन दि स्‍यिसादुकी सोम्‍बो लोक्‍च्‍येते साबाते च्‍यि ईन्‍ताका, चुक ओङगीताका सिन बात खासुङ।

लूका 18:34

तर चेलातेबेकी दि बात छ्याःङ माखोसुङ, थेकी च्‍यि साबाते ईन्‍ताका सिन छ्याःङ छ्या मास्‍येसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ।

लूका 2:50

थेकी थोक च्‍यि साबाते ईन्‍दे सिन आबातेताङ आमातेकी छ्याःङ माखोसुङ।

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

लूका 9:45

थेकी थोक सिरजीन च्‍यि साबाते ईन्‍ताका सिन चेलातेबेकी छ्याःङ माखोसुङ। च्‍यिला सासीन परमेश्‍वरगीराङ थेबाला थे बात खो माच्‍युत्‍सुङ। थेबेकीङ ज्‍यीबेकी खित्‍सादु गुरू खुई दि च्‍यि साबाते ईन्‍दे सिन थेला माठिसुङ।

यूहन्‍ना 12:16

मिओनगी थोक खाबातेताङ परमेश्‍वर बातला थोक सिन टिबाते बातओन येशू चेलाओनगी गोमा छ्याःङ खोबा मेतान। परमेश्‍वरगी थेला स्‍यिसादुकी सोम्‍बो लोगीन स्‍वर्गने खेरनामेकीका मिओनगी थेते थोक खाईन जय जय खाबाते थेमे परमेश्‍वर बातला थोक सिन टिबाते बात थेबेकी लेमु खाईन छ्या स्‍येसुङ।

यूहन्‍ना 16:19

थेकी च्‍यि साबाते ईन्‍ताका सिन चेलातेबेकी खोबा चाल्‍ला दुक सिन येशूकी छ्या स्‍येसुङ। थोगी थेकी “च्‍यि ख्‍योकोनगी ङे ‘था टिक्‍पी दिन तिरी ख्‍योकोनगी ङाला थोङराङ मोथोङो। टिक्‍पी तिरीमेकीचेन ख्‍योकोनगी ङाला याङराङ थोङा ङेत्‍क्‍यो,’ सिन साबाते च्‍यि साबाते ईन्‍ताका सिन बात खाबाप?

यूहन्‍ना 4:27

दि बेलालाराङ चेलातेबा ग्‍युरगीन थेरू लेप्‍सुङ। थे थोक खाईन फेम्‍मे मिज्‍यीकताङ बात खिन देता ओता थोङजीन थेबा छक्‍क परे खासुङ। ईन्‍सीनोङ “ए गुरू, खुई दि फेम्‍मे मित्ताङ च्‍यि बात खाबे? च्‍यिला बात खिते?” सिन खाङगीङ माठिसुङ।