मर्कूस 9:28 - जिरेल

²⁸ थेरूई येशू खोपरोङ देत्‍च्‍येते खाम्‍बादु स्‍यूसुङ। थेमे नाङने खोपरोङकामा ओते बेलाला चेलातेबेकी थेला “गुरू, ङ्योकोनगीचेन च्‍यिला थे ल्‍हन्‍डीक तेन्‍गीन तोङा माथुप्‍ताका?” सिन ठिसुङ।

मर्कूस 9:28 ပူးပေါင်းရင်းမြစ်များ

मत्ती 13:10

येशूकी थोक साकीन सिन्‍नामेकी चेलातेबेकी दोन्‍दु वाकीन “गुरू, खो ज्‍येन ज्‍येनला परमेश्‍वर बात लोप्‍जीनचेन च्‍यिला कथा लाःप्‍ला लोप्‍कीते?” सिन ठिसुङ।

मत्ती 13:36

थेमे येशू थे मिओनताङ ठाल्‍गीन थे खोरोङ देत्‍कीन ओताते खाम्‍बादु ख्‍योल्‍सुङ। थेमे चेलातेबेकी दोन्‍दु वाकीन च्‍याकीन “गुरू, ङ्योकोनला आनाङका साबाते ठे स्‍यीङला तापाते ह्रीमे कथे अर्थ लाःप्‍ला नाङना,” सिन सिदुक।

मत्ती 15:15

थेमे पत्रुसकी “गुरू, खुई आनाङका साच्‍या थुङच्‍येतेकी मेन, खानामेकी थेन्‍च्‍येते बातकीका मिला पा फोइओ सिन साबाते बातकी अर्थ च्‍यि ईन्‍दे? ङ्योकोनला लाःप्‍ला नाङना,” सिन सिदुक।

मर्कूस 2:1

थेमे टिक्‍पी दिन तिरी येशू कफर्नहुमपाराङ ग्‍युरसुङ। थे थेरू खाम्‍बादु ख्‍योलाते बात मिओनगी दाक छ्या स्‍येसुङ।

मर्कूस 3:20

थेमे येशू खाम्‍बाज्‍यीक्‍तु गाल्‍सुङ। थेरूङ लोक्‍ला मि काल्‍बेई जम्‍मा ओङसुङ। दोक ओङनामेई थेत्ताङ थे चेलाओनगी सापकी लोङोङ माङेत्‍सुङ।

मर्कूस 4:10

येशू थे मिओनताङ ठाल्‍नामेकी थेत्ताङ थे खोरोङ चेला च्‍युन्‍ङी थेमे सधैँ थेत्ताङ ख्‍याम्‍कान्‍ते ज्‍येन कोई कोई मिकामा ओतान। थेजीनराङ थेबेकी “गुरू, खो ज्‍येन ज्‍येन मिला परमेश्‍वर बात लोप्‍जीनचेन च्‍यिला कथा लाःप्‍ला लोप्‍कीते?” सिन ठिसुङ।

मर्कूस 4:34

कथा मिसिरा खालाचेन थेकी बातज्‍यीगोङ लोप्‍कीन मेतान। चेलातेबाताङकामा ओत्‍जीनचेन थेकी चेलातेबाला कथे अर्थ लाःप्‍ला तेरगीन ओतान।

मर्कूस 7:17

थेमे येशू थे मिओनताङ ठाल्‍गीन खाम्‍बाज्‍यीक्‍तु स्‍यूनामेई चेलातेबेकी दोन्‍दु वाकीन “गुरू, खुई आनाङका साबाते बात च्‍यि साबाते ईन्‍दे? ङ्योकोनला लाःप्‍ला नाङना,” सिन सिदुक।

मर्कूस 9:27

तर येशूकी थेला लाक्‍पाला जुम्‍गीन लाङसुङ। थेमे थे फिजा लासुङ।

मर्कूस 9:29

थेमे थेकी थेबाला “दोक खोक्‍पो खाला दुक्‍पा तेरकान्‍ते ल्‍हन्‍डीकचेन परमेश्‍वरताङ प्रार्थना खालाकामा तेन्‍ला तोङा थुप्‍क्‍यो,” सिन सिदुक।