मर्कूस 8:38 - जिरेल38 ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन। ख्योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्दुक सासीन परमेश्वर ओत्सादुई वाबाते मि ङाङ तिरी ग्युरला ओङजीन थोक्ते मिला ङो मेस्येओ सिन सिओ। थेजीन ङा आबेते छ्येज्यीक शक्ति ङेत्ला नाम्दाककी झिलिमिली गाल्ला थे दूतओनताङ दुरू ग्युरला ओङगो,” सिन सिदुक। အခန်းကိုကြည့်ပါ။ |
मर्कूस 8:38
44 ပူးပေါင်းရင်းမြစ်များ
ख्योकोन था समय मिओननी परमेश्वरला माने खिता ताङगीन मेलेबा मेलेबा काम खित्कान ईन्देकी ङाला खालि खइँदा अचम्बते काम खाला तेन खिदुक। ङा ख्योकोनगी साबाच्योक खितराङ मिक्किओ। था ख्योकोनगी परमेश्वर बात खित्कान्ते योनाला ओङाते च्योक्ते कामज्यीककामा थोङा ङेत्क्यो,” सिन सिदुक। थोक साकीन च्याकीन थे थेरूई दाक ख्याम्सुङ।
थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्बुराङ देत्जीन परमेश्वर आउदी खाला दया खित्कान्ते ईन, थे सत्यते ईन सिन थेकी ङ्योकोनला लेमु खाईन तेन्गीन बिन्दा ओतान। थेला आबातेकी देमा ताङा ओतान। थेते दोक्पोईकामा ओताते फुज्युङ ईन्देकी थेत्ताङ छ्येज्यीक शक्ति ओताते ङ्योकोनगी थोङा ङेत्सुङ।
थेमे थेबा सुमबोकी “मिल्टेरी क्याप्टेन कर्नेलियसकी खोल्ला लाला खोरच्योक सिन ङ्योकोनला देपा ताङसुङ। थे परमेश्वरला आउदी खाला माने खित्कान्ते लेमु मि ईन। थेला यहूदीओनगीङ गाङेकी मन परे खाला दुक। खोल्ला थे खाम्बापा लाला खुलाला च्याला खुई साबाते बाततेबा ङेन सिन थेला परमेश्वर दूतज्यीगी सिदुक्लो। थोगी ङ्योकोन खोल्ला लिन्दाला देपा वाबाते ईन,” सिन सिदुक।
गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
ख्योकोनचेन परमेश्वरला माने खिता ताङाते मि ईन। दि सा लुङबे मि च्योकराङ सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मि परमेश्वरताङ डिक्पा मुथुबो सिन च्यि ख्योकोनला छ्या मेत? सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मिनी परमेश्वरताङ डिक्पाराङ मुथुबो।
ကြော်ငြာတွေ