मर्कूस 8:35 - जिरेल35 च्यि सासीन तिरी बो माताबा खाला सुइँदेकी दाक्पोन ज्यानगी माया खिदुक सासीन थेकी नोमुङ मिसिन्च्येते जुनी मेङेदो। दाक्पोन फाइदा माताबा खाला ङे लाईदु थेमे गा लाङच्येते बात लोपे लाईदु दाक्पोन ज्यानगी मायाङ मारे खित्कान्ते मिकीचेन नोमुङ मिसिन्च्येते जुनी ङेत्क्यो। အခန်းကိုကြည့်ပါ။ |
ङे बात ङेन्ला ङात्ताङ ख्याम्बे लाईदु खाम्बा कि आबा आमा कि आज्यो न्वा आज्यी नुमु कि फुज्युङ फुमु कि जग्गा जिमीन तोङकान्तेबाला परमेश्वरगी आबा आमा, आज्यो न्वा आज्यी नुमु, फुज्युङ फुमु च्योक्तेताङ खाम्बा थेमे जग्गा जिमीन ज्येनोङ झन काल्बेई तेरग्यो। थेमे थेबेकी नोमुङ मिसिन्च्येते जुनीङ ङेत्क्यो।
थोगी ङाराङगी छ्याःङ खिता मुथुप्जीन ईन्स्यीत, ज्येनगी ङाराङला इज्जत बेइज्जत खित्जीन ईन्स्यीत, दुक्पा ङेत्जीन ईन्स्यीत, मिओनगी ङाराङला खेदापानी खित्जीन ईन्स्यीत थेमे आपत् विपत्ला फाप्जीन ईन्स्यीत ख्रीष्टकी मि ईन्देकी ङानी सधैँ गा खिन देता थुप्क्यो। दोक खाला ङाराङगी छ्याःङ खिता मुथुपे बेलालाराङ ख्रीष्टकी शक्ति ङेता ओतेकी ङे जेङ खिता थुप्कीदुक।
थोक ईन्देकी ज्येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्याक्पा ओत्सीनोङ खो छ्याःङ ङोचा माकेत। बरू थे गा लाङच्येते बात लोप्जीन खुईङ ङे च्योकराङ खाला दुक्पा भोगे खिता फाप्च्या दुक सासीनोङ थोकराङ खि। थोक खिताला परमेश्वरगीराङ खोल्ला थे खोरोङ शक्ति तेरग्यो।
थोकराङ खाईन कोई कोई फेम्मे मिकी स्याप्ते मिओनला परमेश्वरगी सोम्बो लोइओ सिन थेला विश्वास खाबेकी थेकी थेबे मिओनला सोम्बो लोक्पा ओतान। लोक्ला कोई कोईला जेलला लुक्नामेई परमेश्वरला विश्वास खिता ताङसीन तेन्ला तोङगो सिरजीन थेबेकी ङ्योकोन थोक मिक्किओ सिन साबा ओतान। थोगी थेबाला बिजोग तेन्गीन तेन्गीन सेता ओतान। परमेश्वरगी था तिरी सोम्बो लोक्ला थे खोरोङताङराङ ज्य्वाक्यो सिन थेबेकी थेला विश्वास खाबा ओतेकीराङ थेबेकी थेला विश्वास खिता तोङराङ मोतोङो सिन साबा ओतान।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।