मर्कूस 7:34 - जिरेल

³⁴ थेमे नामने ताकीन हुईरा खाईन “इफ्‍फाता,” सिन सिदुक। इफ्‍फाता साबाते फेत्‍स्‍यीत साबाते ईन।

मर्कूस 7:34 ပူးပေါင်းရင်းမြစ်များ

मर्कूस 1:41

थेकी थोक खाबा थोङजीन येशूला ङिङज्‍ये लासुङ। थेमे लाक्‍पेकी थेला दोइनकामा “ङा खोल्‍ला ठाक्‍पा खिओ। लो खो ठाक्‍स्‍यीत,” सिन सिदुक।

मर्कूस 15:34

थेमे तीन बजेला येशूकी कस्‍स्‍ये खाईन “इलोई, इलोई, लामा सबखथनी?” सिन सासुङ। दोक साबाते “ए परमेश्‍वर, ए परमेश्‍वर, खो ङात्ताङ थाल्‍ला च्‍यिला ठाले?” साबाते ईन।

मर्कूस 5:41

थेमे थे फिजे लाक्‍पाला जुम्‍गीन “तालिता कूमी,” सिन सिदुक। दोक साबाते ए फुमो, ङा खोल्‍ला ल्‍वा सिन सिओ साबाते ईन।

मर्कूस 6:41

थेमे येशूकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍य्‌वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्‍योकराङ खाईन गोकीन बिन्‍सुङ। थोकराङ खाईन ङ्याङ थेकी मि गाङेला गोकीन बिन्‍सुङ।

मर्कूस 7:35

थेकी थोक सिराईताङ थे मि दाक नामज्‍योककी थोच्‍या गाल्‍सुङ, बात खिता थुप्‍च्‍याङ गाल्‍सुङ।

मर्कूस 8:12

थोक सिरजीन येशूला मेलेबा लासुङ। थेमे हुईरा खिन थेकी “ख्‍योकोन था समय मिओन च्‍यिला खालि अचम्‍बते काम खाला तेन खिते? ख्‍योकोनगी साबाच्‍योक ङा खितराङ मिक्‍किओ। ङात्ताङ परमेश्‍वर शक्ति ओत सिराला ङा ख्‍योकोनला कामज्‍यीगोङ खाला मेतेनो,” सिन सिदुक।

लूका 18:42

थेमे येशूकी थेला “लो खुई थोङा थुप्‍स्‍यीत ओना। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक।

लूका 19:41

थेमे यरूशलेम खादु लेप्‍कीन थे सारला लेमु खाईन थोङनामेई येशूकी थे सारगी मिओन लाईदु पीर खाईन मिकच्‍युक ताङसुङ।

लूका 7:14

गाल्‍गीन च्‍याकीन थे मि रो ठाकीन खुराते स्‍यिङला जुम्‍सुङ। थोक खानामेई रो खुरकान्‍ते मिओन थेरूराङ देत्‍सुङ। थेमे येशूकी थे मि रोला “ए फुज्‍यो, लो ल्‍वा,” सिन सासुङ।

यूहन्‍ना 11:33

मरियम ङुबाते थेमे थेत्ताङ वाबाते यहूदीओनोङ ङुबा थोङजीन येशूलाङ खपेराङ खिता मुथुप्‍च्‍या आउदी मेलेबा लासुङ।

यूहन्‍ना 11:35

थेमे येशू ङुसुङ।

यूहन्‍ना 11:38

येशूला याङराङ खपेराङ खिता मुथुप्‍च्‍या आउदी मेलेबा लासुङ। थेमे थे लाजरस रो ज्‍याक्‍पाते फुकनापा लेप्‍सुङ। थे फुकचेन रो ज्‍य्‌वाबाला ठाःक ठुकीन जोबा ओतान। थेमे थे फुगी गोनापा दोज्‍यीक क्‍योरगीन ज्‍याक्‍पा ओतान।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 11:43

दोस्‍यिक साकीन सिन्‍नामेकी थेकी कस्‍स्‍ये खाईन “ए लाजरस, फिनामा थेन्‍ला स्‍योक,” सिन थेला काताङसुङ।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

शक्ति काम 9:34

थेमे पत्रुसकी थेला ठेत्‍कीन “एनियास, खोल्‍ला येशू ख्रीष्‍टकी ठाक्‍पा खिओ। लो ल्‍वा थेमे खोरोङ मालज्‍याम मिले खि,” सिन सिदुक। थोक सिराईताङ थे दाक लाकीन ख्‍याम्‍सुङ।

शक्ति काम 9:40

पत्रुसकी थेरू ओताते मि गाङेला फिनामा तेन्‍गीन ताङगीन खोबुकला देत्‍कीन च्‍याकीन परमेश्‍वरला प्रार्थना खासुङ। थोक खाईन थेकी थे स्‍याप्‍ते रो ज्‍याक्‍सापा ग्‍युरगीन “तबीता, लो ल्‍वा,” सिन सिदुक। थेकी थोक सिरजीन तबीतेकी मिक पेत्‍सुङ। थेमे थेला थोङगीन थेरू लाकीन देत्‍सुङ।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।