मर्कूस 7:21 - जिरेल

²¹ च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, रन्‍डीबाजी खित्‍च्‍येते, कुच्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते

मर्कूस 7:21 ပူးပေါင်းရင်းမြစ်များ

मत्ती 15:19

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते, रन्‍डीबाजी खित्‍च्‍येते, कुच्‍येते, मेन्‍दे बातला ज्‍येनला दोष लै खित्‍च्‍येते थेमे ज्‍येनला मोत्‍च्‍येते ईन।

मत्ती 9:4

थेबे सेमगी बात छ्या स्‍येकीन थेकी “ख्‍योकोन च्‍यिला थोकस्‍यिक विचार खिते?

मर्कूस 7:20

दि बात खिन खिनला थेकी “थोक ईन्‍देकी मिला पा फोक्‍च्‍येतेचेन सेमदुकी खानामा च्‍यि थेन्‍गीका थेकीराङ ईन।

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

शक्ति काम 5:4

खोल्‍ला थे स्‍यीङ छ्वा सिन सुङगीङ साबा मेतान। थेमे थे च्‍वासीनोङ ङेताते पैसा खोरोङ खुशी खिता ङेत्‍च्‍या ओतान। स्‍यीङगी पैसा गाङे दोस्‍यिकराङ ईन सिन सिरा खुई चुक खाईन थुप्‍सुङा? खुईनी मिओनला ढाँर खाबाते मेन, परमेश्‍वरलाका ढाँर खाबाते ईन,” सिन सिदुक।

शक्ति काम 8:22

खुई दोक मेलेबा विचार खाबेकी प्रभु परमेश्‍वरला प्रार्थना खाला माफ नाङ खि। थोक खासीन ना थेकी खुई पाप माफ तेरगीता।

रोमी 7:5

गोमाबा ङुरूङ दाक्‍पोन खुशीला ख्‍याम्‍गीन ओतान। थोगी थेजीन दाक्‍पोन सेम मेलेबा ओतेकी झन परमेश्‍वर नियमला माकेत साबा साबाकामा खिता सेम लाकीन ङुरूङ मेलेबाते कामताङ बात खिन ओतान। थोक खाबेकी ङुरूङ सजाय ङेत्‍ला स्‍या फाप्‍च्‍या ओङा ओतान।

रोमी 7:8

परमेश्‍वर नियमला “लोभ माकेत,” साबाते बात छ्या स्‍येनामेई ङे सेमला पाप ओतेकी ङाला झन झन डारताङ लोभ लाङाला स्‍यूसुङ। दोक माकेत, थोक माकेत सिरच्‍येते थे नियम मेता ईन्‍सीनचेन पाप खित्‍च्‍या सिराते ओङच्‍या मेतान।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

याकूब 2:4

च्‍यि ख्‍योकोनगी काका पाका खाबाते मेनरो? ख्‍योकोनगीनी थेबे छ्येत ताकीन काम खाबातेका ईन।