55 थेमे थे मिओन थेङला फार छुर युलगी नाङपा गाङेपा छ्य्वाकीन गाल्सुङ। थेमे थे जहाँ दुक सिन थोकीदुक नाबाते मिओनला मालज्यामताङराङ डोलो खाला खुरला थे ओत्सादु केलाला स्यूसुङ।
थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्हन्डीक खोबातेबा, जा लाङकान्तेबा, कुज्येतेबा गाङेला ठाक्पा खाला तेरस्यीत सिन थे ओत्सादु क्याल्सुङ। थेमे थेकी थे मि गाङेला ठाक्पा खाईन बिन्सुङ।
थेबा डुङ्गादुकी थेन्नामेई थे ठाउँकी मिओनगी येशूला दाक छ्या स्येसुङ।
युलला ईन्स्यीत, सारला ईन्स्यीत थे जहाँ जहाँ डुइदुक थे डोसे लामगी छेउ छेउला मिओनगी नाबाते मिओन खुलाला ज्य्वाकीन ओतान। थेमे थेबेकी “हजूर, खुई खोन्दाते खोलाक छेउलाकामा ईन्सीनोङ दिबाला द्वाप बिन,” सिन बिन्ती खित्जीन थेकीङ थोकराङ खित च्युत्सुङ। थेमे थे खोलाकला दोकान जति गाङेराङ ठाक्सुङ।
थेमे थे सारगी मिओनगी नाबाते मिओनला दिङच्या खोन्च्याताङराङ खुलाकीन लामगी छेउकी नाङला जहाँसुकै ङ्याल्गीन ज्य्वाबाला स्यूसुङ। थेबे नाङ मेन्दाई मेन्दा ङिलाकामा ईन्सीनोङ पत्रुस लामला ख्याम्जीन थे ठिमाककामा फाप्सीनोङ थेबा ठाइओ सिनराङ मिओनगी थोक खाबा ओतान।