मर्कूस 6:34 - जिरेल

³⁴ थेबा थेपा लेप्‍ला डुङ्गादुकी फाप्‍जीन येशूकी होथे ङोला ङ्वा मुथुप्‍च्‍या मिला थोङसुङ। थे मिओन गोठाला मेताते लुई बगाल च्‍योकराङ ओता थोङजीन थेला आउदी ङिङज्‍ये लासुङ। थेमे थेकी थेबाला परमेश्‍वर बात काल्‍बेई लाप्‍कीन बिन्‍सुङ।

मर्कूस 6:34 ပူးပေါင်းရင်းမြစ်များ

मत्ती 14:14

थे खोरोङ थेपा लेप्‍ला डुङ्गादुकी फाप्‍जीन थेकी गोमाका थेपा लेपाते होथे ङोला ङ्वा मुथुप्‍च्‍ये मि थोङसुङ। थेबाला थोङजीन थेला आउदी ङिङज्‍ये लासुङ। थेमे थेकी थेबे नाङ नाबा ओतातेबाला ठाक्‍पा खाईन बिन्‍सुङ।

मत्ती 15:32

थे तिरी येशूकी चेलातेबाला दोन्‍दु काताङगीन “दि मिओन दोक खाईन देताते थोङजीन ङाला आउदी ङिङज्‍ये लासुङ। दिबा दुरू ङात्ताङराङ देताते ङीमा सुम गाल्‍गीन सिन्‍सुङ। दिबाताङ साच्‍येतेङ छ्याःङ मिन्‍दुक। था तुक्‍पाराङ खाँपा ग्‍युक सिन ताङसीन ख्‍याम्‍गीन ख्‍याम्‍गीनलाराङ दिबा त्‍वाबेकी स्‍याङ थुप्‍क्‍यो,” सिन सिदुक।

मत्ती 9:36

थोक खाला ख्‍याम्‍जीन थे खोरोङ ओत्‍सादु ओङकान्‍ते हूलताङ हूल मिला थोङजीन थेला आउदी ङिङज्‍ये लाङगीन ओतान। च्‍यिला सासीन जेसुकै पीरताङ तापकी खित्‍सादु खापाङ छ्याःङ आश खित्‍च्‍येते लामराङ मेतेई सेम स्‍यिइन थेबा गोठाला मेताते लुक च्‍योकराङ गाला ओतान।

मर्कूस 6:33

थेबा डुङ्गाला जेकीन गालाते कोई कोईकी थोङसुङ। थे थेरूकी गालाते बात छ्या स्‍येनामेई ठाउँ ठाउँकी मिओनचेन समुन्‍द्रे छेउताङ छेउ ख्‍याम्‍गीन थेला तिङ ङ्योगीन गाल्‍सुङ। थेमे थेत्ताङ थे चेलाओन ड्वा चालाते ठाउँदु थे मिओनका गोमाका लेप्‍सुङ।

मर्कूस 6:35

थोक थोक खित्‍केलाराङ नामोङ स्‍योबा खाबा ओतान। थेमे चेलातेबेकी दोन्‍दु वाकीन “गुरू, था नाम स्‍योबा खासुङ। दि छ्याःङ मेङेत्‍च्‍येते ठाउँ ईन।

मर्कूस 8:1

थेजीनराङ याङराङ पालोई आउदी काल्‍बेई मि येशू दोन्‍दु जम्‍मा ओङा ओतान। थेबाताङ साच्‍येते छ्याःङ मेता थोङगीन थेकी चेलातेबाला दोन्‍दु काताङगीन

मर्कूस 8:2

“दि मिओन दोक खाईन देताते थोङजीन ङाला आउदी ङिङज्‍ये लासुङ। दिबा दुरू ङात्ताङराङ देताते ङीमा सुम गाल्‍गीन सिन्‍सुङ। दिबाताङ साच्‍येतेङ छ्याःङ मिन्‍दुक।

लूका 9:11

थे थेपा गालाते बात छ्या स्‍येकीन मि आउदी काल्‍बेई थे तिङ ङ्योगीन थेपाराङ गाल्‍सुङ। थेबा थोक खाईन वाबा थोङगीन येशूकी थेबा गाङेला लेमु खासुङ। थेबाला परमेश्‍वर राज्‍य बात लाप्‍कीन बिन्‍सुङ, थेबे नाङ नाबा ओतातेबालाङ ठाक्‍पा खासुङ।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।