मर्कूस 6:32 - जिरेल

³² थोगी थेबा खोपरोङकामा देताप सिन थे मिओनताङ ठाल्‍गीन डुङ्गाला जेकीन थेरूई गाल्‍सुङ।

मर्कूस 6:32 ပူးပေါင်းရင်းမြစ်များ

मर्कूस 3:9

थेरू थोक काल्‍बेई मि वाबा थोङगीन थेकी चेलातेबाला “ख्‍योकोनगी डुङ्गाज्‍यीक खोरच्‍योक। दि मिओन च्‍येपा च्‍येप खाला ङे दोन्‍दु मेङस्‍यीत सिन ङा डुङ्गादु जेला देता थुप्‍क्‍यो,” सिन सिदुक।

मर्कूस 4:36

थेचेन डुङ्गे नाङदुराङ ओतान। थेमे चेलातेबाङ मि हूलदुकी ठाल्‍गीन डुङ्गाला जेसुङ। दोक खाईन थेबा फारकेनपाला ड्वाप्‍ला स्‍यूसुङ। ज्‍येन ज्‍येन डुङ्गाङ थेपा डुइन ओतान।

मर्कूस 6:33

थेबा डुङ्गाला जेकीन गालाते कोई कोईकी थोङसुङ। थे थेरूकी गालाते बात छ्या स्‍येनामेई ठाउँ ठाउँकी मिओनचेन समुन्‍द्रे छेउताङ छेउ ख्‍याम्‍गीन थेला तिङ ङ्योगीन गाल्‍सुङ। थेमे थेत्ताङ थे चेलाओन ड्वा चालाते ठाउँदु थे मिओनका गोमाका लेप्‍सुङ।

मर्कूस 6:45

मिओनला थोक खाईन साप बिन्‍गीन सिन्‍नामेई येशूकी चेलातेबाला “ङाचेन था टिक्‍पी तिरी ओङामीन, ख्‍योकोन डुङ्गाला जेला समुन्‍द्रे फारकेनपा बेथसेदापा ग्‍युक,” सिन थेरूई ताङसुङ। थेरू ओताते मिओनलाङ थेकी थेरूई ताङसुङ।

मर्कूस 6:51

थेमे थेङ थे डुङ्गाला जेसुङ। थे जेनामेकी ल्‍हाबा चले खिता ताङसुङ। थोक ओङनामेई चेलातेबा झन छकदाङ परे खासुङ।

यूहन्‍ना 6:1

दि टिक्‍पी दिन तिरी येशूबा गालील समुन्‍द्रे फारकेनपा गाल्‍सुङ। थे समुन्‍द्रलाचेन तिबेरियास समुन्‍द्रङ सिरच्‍येते खिन ओतान।