मर्कूस 6:15 - जिरेल

¹⁵ कोईकीचेन परमेश्‍वर बात खित्‍कान्‍ते एलिया लोईन वादुक सिन ओतान। लोक्‍ला ज्‍येन ज्‍येनगीचेन दिङ थाङबो परमेश्‍वर बात खित्‍कान्‍ते मिओन च्‍योक्‍तेराङ ईन सिन ओतान।

मर्कूस 6:15 ပူးပေါင်းရင်းမြစ်များ

मत्ती 16:14

थोक सिरजीन थेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ कि यर्मिया कि ज्‍येन दोक्‍पोई दुका सिन बात खिदुक,” सिन सिदुक।

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

मर्कूस 6:16

दि गाङे बात थोनामेई हेरोदकीचेन “दि मिनी यूहन्‍नाराङ ईन। ङे थेते गोः तुप्‍कीन सेत च्‍युता ओतान। थे सोम्‍बो लोगीन वादुक,” सिन सिदुक।

मर्कूस 8:28

थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

लूका 1:17

थे परमेश्‍वर बात खित्‍कान्‍ते एलिया च्‍योकराङ ओङगो। एलियाताङ चुक्‍ते शक्ति ओताने होथे शक्ति थेत्ताङ ओङगो। प्रभु परमेश्‍वर दुरू ओङा भन्‍दा गोमा वाला थेकी दाक्‍पोन फुज्‍युङ फुमुताङ डिक्‍पा माथुपाते आबातेबाला लोक्‍ला थेबाताङ डिक ज्‍युत्‍क्‍यो। परमेश्‍वरगी साबाते मेङेन्‍कान्‍ते मिओनलाङ थोक खिन देता लेमु मेन सिन छ्या स्‍ये च्‍युत्‍ला परमेश्‍वरगी खि साबा साबा च्‍योकराङ खित ज्‍युत्‍क्‍यो। थेकी थोक खानामेई तिरी प्रभु परमेश्‍वर ओङे बेलाला मि गाङेराङ था परमेश्‍वर ओङगो सिन गुला देत्‍क्‍यो,” सिन सिदुक।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

लूका 9:19

थोक सिरजीन चेलातेबेकी “गुरू खोल्‍ला लालेकी बप्‍तिस्‍मा तेरकान्‍ते यूहन्‍ना सोम्‍बो लोगीन वाबाते दुका खिदुक। कोईकी थाङबो परमेश्‍वर बात खित्‍कान्‍ते एलिया दुका खिदुक। थेमे कोईकीचेन परमेश्‍वर बात खित्‍कान्‍तेबे नाङ दोक्‍पोई लोक्‍ला वाबाते ईन सिन बात खिदुक,” सिन सिदुक।

लूका 9:8

कोईकीचेन परमेश्‍वर बात खित्‍कान्‍ते एलिया लोईन वादुक सिन ओतान। लोक्‍ला ज्‍येन ज्‍येनगीचेन थाङबो परमेश्‍वर बात खित्‍कान्‍तेबे नाङ दोक्‍पोई सोम्‍बो लोगीन वाबाते ईन सिन बात खिन ओतान।

यूहन्‍ना 1:21

थेमे थे मिओनगी “थोक सासीन खो सु ईन्‍दे ओना? ना खो एलिया ईन्‍दे?” सिन ठिसुङ। थोक सिरजीन थेकी “अहँ, मेन,” सिन सिदुक। लोईन थेबेकी “थोक ईन्‍सीन ना खो दुरू ओङगो साबाते परमेश्‍वर बात खित्‍कान्‍ते ईन्‍दे ओना?” सिन ठिसुङ। थोक सिरजीनोङ थेकीचेन “मेन मेन, ङा थेङ मेन,” सिन सासुङ।

यूहन्‍ना 1:25

थे मिओनगी याङराङ थेला “खोचेन परमेश्‍वरगी तोङगो साबाते ख्रीष्‍टोङ मेन खिदुक, एलियाङ मेनलो। ना परमेश्‍वर बात खित्‍कान्‍ते मि मेनलो। थोक ईन्‍सीन खो च्‍यिला मिओनला बप्‍तिस्‍मा तेरगीते ओना?” सिन ठिसुङ।

यूहन्‍ना 6:14

येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 7:40

येशूकी थोक सानामेई मि कोईकी “दि मिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 9:17

थे फरिसी पाटी मिओनगी गोमा अन्‍ध ओताते थे मिला याङराङ “खोचेन थे मिकीराङ खोल्‍ला थोङा थुप्‍च्‍या जोसुङ खिदुक। था खो थेला सु ईन सिते ओना?” सिन ठिसुङ। थेमे थेकी “थेनी परमेश्‍वर बात खित्‍कान्‍ते मिराङ ईन,” सिन सिदुक।