मर्कूस 6:11 - जिरेल

¹¹ खेराङ लेप्‍सादु मिओनगी ख्‍योकोनला लेमु माक्‍यासीन थेमे ख्‍योकोनगी लापाते बात ङेन्‍दा सेम माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन साकीन थेरूई ताङसुङ।

मर्कूस 6:11 ပူးပေါင်းရင်းမြစ်များ

मत्ती 12:36

दि बात ङेन। च्‍यि सासीन था तिरी परमेश्‍वरगी न्‍याय खिते छोमु मिओनगी दाक्‍पोनगी खाबाते सिरा मेङच्‍येते कामराङ लै मिक्‍किच्‍येते गाङे बातकी हर हिसाब परमेश्‍वरला तेरा फाप्‍क्‍यो।

मर्कूस 6:10

खेराङ लेप्‍सादु जुन खाम्‍बे मिकी खेराङला थेबाताङ देत सिन लेमु खिदुक, थेरू देत देतसाक थे खाम्‍बादुराङ देत। खाम्‍बा खाम्‍बा युला स्‍यासा मादेत।

लूका 9:5

थेमे खेराङ लेप्‍सादु मिओनगी ख्‍योकोनला लेमु माक्‍यासीन थोक्‍ते ठाउँलाचेन देतराङ मादेत। थोक्‍ते ठाउँ ताङला ख्‍याम्‍जीन परमेश्‍वर बात माङेन्‍देकी थेबेकी तिरी सजाय ङेत्‍जीन सुङलाङ गाल खिता मेङेदो सिन सिराला खेराङ काम्‍बाला खोबाते थाला समेदोङ टकटक खाला थेरूकी ख्‍योम,” सिन सिदुक।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

२ पत्रुस 2:6

थेमे परमेश्‍वरगी मे ताङगीन सदोमताङ गमोरा सारला थाला जोबा ओतान। थोक खाईन थेकी थे खोरोङ बात मेङेन्‍कान्‍तेबे गति चुक ओङगीते सिन तेन्‍गीन बिन्‍दा ओतान।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

१ यूहन्‍ना 4:17

थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।