मर्कूस 5:34 - जिरेल

³⁴ थेमे थेकी “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत। खुई बेथेकी था खोल्‍ला नोमुङ दुक्‍पा मेतेरो,” सिन सिदुक।

मर्कूस 5:34 ပူးပေါင်းရင်းမြစ်များ

मत्ती 9:2

थेमे थेकी ठाक्‍पा खाला तेरस्‍यीत सिन कोई कोईकी ख्‍याम्‍बाराङ मुथुप्‍कानज्‍यीक कुज्‍येज्‍यीकला मालज्‍यामताङराङ डोलो खाईन खुरगीन थे ओत्‍सादु क्‍याल्‍सुङ। थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, था खो ज्‍यीबा माकेत। ङे खुई खाबाते पाप गाङे माफ खाबान,” सिन सिदुक।

मत्ती 9:22

थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

मर्कूस 10:52

थेमे येशूकी थेला “लो लेमु खाला ग्‍युक। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक। थेकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थेङ येशूताङराङ ख्‍याम्‍सुङ।

मर्कूस 3:10

थेकी मि काल्‍बेईला ठाक्‍पा खाबेकी थेरू वाबाते नाबाते मिओनचेन थेला द्वाप सिन फुलरीङ फुलरीङ खाला थे दोन्‍दु ड्वा छोल्‍गीन ओतान।

मर्कूस 5:29

येशू खोलाक द्वापज्‍यीकताङराङ थेते ठाक ऊरच्‍येते बेथा दाक ठाक्‍सुङ। थेकी थे मोरोङ ठाक्‍सुङ सिन होक छ्या स्‍येसुङ।

मर्कूस 5:33

येशू खोलाक दोनामेई थे मोरोङ ठाक्‍पाते बात था बोङा मुथुप्‍च्‍याक्‍वा सिन थे फेम्‍मे मिकी छ्या स्‍येसुङ। थेमे ज्‍यीबा खिन दारगीनकामा वाकीन थेकी येशू काम्‍बाला से खाईन थे मोरोङ चुकस्‍यिक बेथेकी नाबा ओताने थेमे चुक खाईन ठाक्‍सुङा सिन थेला गाङे बात लाःप्‍सुङ।

लूका 17:19

थेमे थेकी थे मिला “लो लाला था खोले खोले ग्‍युक। ङे खोल्‍ला ठाक्‍पा खिता थुप्‍क्‍यो सिन खुई ङाला विश्‍वास खाबेकी खो ठाक्‍पाते ईन,” सिन सासुङ।

लूका 18:42

थेमे येशूकी थेला “लो खुई थोङा थुप्‍स्‍यीत ओना। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक।

लूका 7:50

येशूकीचेन थेबे बातला नामज्‍योकराङ मेसेता खाईन थे फेम्‍मे मिला लोईन “खुई खोरोङ पाप ङे माफ खिता थुप्‍क्‍यो सिन विश्‍वास खाबेकी ङे खुई पाप गाङे माफ खाबा ओत। लो था खोले खोले ग्‍युक। थेमे लेमु खाला देत,” सिन सिदुक।

लूका 8:48

थेमे येशूकी थेला “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत,” सिन सिदुक।

शक्ति काम 14:9

थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

शक्ति काम 15:33

थोक खाला लोप्‍कीन थेबा ङिबो टिक्‍पी दिन थेरूराङ देत्‍सुङ। थेमे थेबा यरूशलेमपा ग्‍युरच्‍येते बात खित्‍जीन थेरू आज्‍यो न्‍वाओनगी खोले खोले ग्‍युगा सिन थेबाला लेमु खाईन ताङसुङ।

शक्ति काम 16:36

थे लोन लाःप्‍नामेकी जेलगी हाकिमगी पावलला “हजूरवे, सारगी छ्ये छ्ये मिकी ख्‍योकोनला जेलदुकी थोङ सिन लोन ताङदुक। थोगी था ख्‍योकोन दुरूकी गाल्‍सीन ओङगो। लेमु खाला ग्‍युक,” सिन सिदुक।

याकूब 2:16

थेला गोच्‍येते छ्याःङ मेतेरा खाईन ख्‍योकोन सुइँदेकी “लो लेमु खाला ग्‍युक थेमे खाँपा गाल्‍ला सुबा खाङ सोला ठोम्‍मु खाला ङ्योल,” सालाकामा च्‍यि होथे मिला खइँदा लेमु ओङगो?