मर्कूस 5:18 - जिरेल

¹⁸ थेमे येशू डुङ्गाला जेकीन थेरूकी ड्वाप्‍ला ठीक खासुङ। थे थोक खाला डोजीन थेकी ल्‍हन्‍डीक तेन्‍गीन ठाक्‍पा खाबाते मिकीचेन थेला “ङालाङ खोत्ताङराङ ख्‍याम्‍च्‍ये सेम ओत, ङालाङ खेर,” सिन सिदुक।

मर्कूस 5:18 ပူးပေါင်းရင်းမြစ်များ

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

मर्कूस 5:15

येशू ओत्‍सादु लेप्‍ला ताजीन थेबेकी थोक काल्‍बेई ल्‍हन्‍डीक खोबाते मिचेन ठागीन खोलाक खोन्‍गीन च्‍याकीन देता ओता थोङसुङ। थे थोक खाईन ठाक्‍पा ओता थोङनामेईनी तार ओङकान्‍ते मिओन ज्‍यीबेकी झन आते खासुङ।

मर्कूस 5:16

येशूकी थे मिदुकी ल्‍हन्‍डीक तेन्‍गीन ठाक्‍पा खाबाते थोङकान्‍ते मिओनगीचेन थेकी चुक खाईन थेला ठाक्‍पा खासुङा थेमे फाक्‍पाओन चुक खाईन स्‍यिसुङा सिन थेरू वाबाते मिओनला गाङे सासुङ।

मर्कूस 5:17

दि गाङे बात थोनामेई थे मिओनगी येशूला “हजूर खो ओर्च्‍ये दुरू मादेत, दुरूकी ग्‍युक,” सिन सासुङ।

मर्कूस 5:7

ल्‍हन्‍डीक खानापेई थेकी कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये। दोक मिक्‍किओ सिन हजूर खो परमेश्‍वर साक्षी ज्‍याक्‍ला ना क्‍योल,” सिन सिदुक।