मर्कूस 4:24 - जिरेल

²⁴ थोरूमोङ बात खिन थेकी “ङे लोप्‍च्‍येते बात लेमु खाला ङेन्‍ला च्‍यि साबाते ईन्‍ताका सिन छ्या स्‍येबा खि। ख्‍योकोनगी परमेश्‍वर बात चुक खाला ङेन्‍गीका थे ताला परमेश्‍वरगी काम खिओ। थे बात लेमु खाला ङेन्‍कान्‍ते मिकी थे बात खोकीन डुइओ। परमेश्‍वरगी थोक्‍ते मिला थे खोरोङ बात झन लेमु खाला खो ज्‍युत्‍क्‍यो।

मर्कूस 4:24 ပူးပေါင်းရင်းမြစ်များ

मत्ती 7:2

च्‍यिला सासीन ख्‍योकोनगी ज्‍येनला फलाना दोक्‍ते थे थोक्‍ते सिन सासीन परमेश्‍वरगी ख्‍योकोनोङ होथोक्‍तेराङ ईन सिन साला ख्‍योकोन दोषी ईन सिन सिओ। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ।

मर्कूस 9:7

पत्रुसकी बात खिन खिनलाराङ मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दिकी साबाते बात ङेन,” सिन सिरा थेबेकी थोसुङ।

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

२ कोरिन्‍थी 9:6

ख्‍योकोनगी दि बात टोक माज्‍येत। च्‍यि सासीन सोन टिक्‍पीस्‍यिक देप्‍कान्‍ते मिकी तिरी बाली थोक्‍जीन रूक्‍जीनोङ टिक्‍पीस्‍यिकराङ रूइओ। सोन काल्‍बेई देप्‍कान्‍तेईचेन बालीङ काल्‍बेईराङ रूइओ।

हिब्रू 2:1

बात दोक दोक ईन्‍देकी ङुरूङगी दाक्‍पोनगी थोबाते बातओन लेमु खाला ङेन्‍गीन देता फाप्‍क्‍यो। दोक खिन मादेत्‍सीन ङुरूङ दाक्‍पोनगी थोबाते बातला खि साबा च्‍योकराङ खिन देता मुथुबो।

१ पत्रुस 2:2

बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।