लोक्ला चाङगी बुटे नाङला फाप्कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्येन थरीज्यीक मिला साबाते ईन। थोक्ते मिओनगी स्वर्गे राज्य बातनी ङेन्ग्यो। ईन्सीनोङ साच्या थुङच्याताङ खोन्च्ये पीर थेमे सम्पत्ति लोभकी खित्सादु थेबेकी थोबाते बात दाक टोक ज्येत्ला छ्याःङ काम लै मिक्किओ।
मर्कूस 4:19 - जिरेल19 ईन्सीनोङ साच्या थुङच्याताङ खोन्च्ये पीर, सम्पत्ति लोभ थेमे दाक्पोन खुशी खिता चालेकी खित्सादु थेबेकी थोबाते बात दाक टोक ज्येत्ला छ्याःङ काम लै मिक्किओ। အခန်းကိုကြည့်ပါ။ |
मर्कूस 4:19
28 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
थेमे थरिङोला छ्युक्पु ओताते मिओनला दोक सिन कोत। थेबाला छ्ये माकेत सि, सम्पत्ति ओत्कीन ओत सिन ढुक्क खाला मादेत सि। थोक्ते सम्पत्तिनी नामसाक दाक्पोन लाःक्तु देत्कीते सिन छ्याःङ छ्या मेङगो। बरू थेबाला परमेश्वरला भर परे खिता लोप सिन सि। थेकीराङ ङुरूङला गोच्येतेबरी दाङच्या ख्योप्च्या खाला बिन्ला गा खिन देत ज्युत्क्यो।
ख्योकोन संगति खिन भोज सा बेलाला छ्याःङ ङोचा मिक्किता खाला वाला थेबेकी ख्योकोनताङराङ देत्ला सेइओ। ज्येनला ता फाप्कान्ते मि ईन्सीनोङ थेबेकी सुङगीतेङ छ्याःङ वास्ता मिक्किता खाला भक्कुचूर सोला खोपरोङ सुबा गेङच्ये कामकामा खिओ। थेबानी छ्यार्बे थोपोज्यीगोङ मेताते ल्हाबेकी पुरगीन खेराते मुक्पा च्योक्ते ईन। थेमे फलफूल चिमाईओङ मागोन्दाते चाप्रेनराङ खोर लोगीन क्युरगीन स्याप्ते गुनगी बेले दोङबो च्योकराङ ईन।
ကြော်ငြာတွေ