मर्कूस 3:35 - जिरेल

³⁵ परमेश्‍वरगी खि साबा साबाच्‍योक खित्‍कान्‍ते मिओनराङ ङे आमाताङ न्‍वा नुमुबा ईन,” सिन सिदुक।

मर्कूस 3:35 ပူးပေါင်းရင်းမြစ်များ

मत्ती 7:21

थेमे ङाला माने खित्‍कान ईन सिन प्रभु खो छ्ये ईन सिन सिरकान्‍ते मि गाङेराङ स्‍वर्गे राज्‍यने स्‍यूक्‍पा मेङेदो। स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनकामा थेने स्‍यूक्‍पा ङेत्‍क्‍यो।

यूहन्‍ना 7:17

परमेश्‍वरगी खि साबाते ङेन्‍दा छोल्‍कान्‍ते मिकीकामा ङे लोप्‍च्‍येते बात ङाराङगी जोला लोप्‍च्‍येते ईन्‍दाना परमेश्‍वरगीराङ लोप च्‍युताते ईन्‍दे सिन लेमु खाला छ्या स्‍येक्‍यो।

एफिसी 6:6

थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। ख्रीष्‍ट खेराङ मालिक ईन सिन टोक मेज्‍येता खाला परमेश्‍वरगी खि साबाते लेमु खाईन ङेन्‍दा च्‍योकराङ खाला खेराङ काम लेमु खाला खि।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

याकूब 1:25

थोक ईन्‍सीनोङ परमेश्‍वरगी मि गाङेला लेमु ओङाला ङेन साबाते नियम ङेन्‍ला थेरू खि साबाते टोक मेज्‍येता खाला खि साबा च्‍योकराङ खिन देत्‍कान्‍ते मिलाचेन परमेश्‍वरगी पापताङ दुक्‍पादुकी डेल्‍ग्‍यो। थेमे थेकी जे काम खासीनोङ परमेश्‍वरगी आशी बिन्‍ला थेला साबा च्‍योक ओङ ज्‍युत्‍क्‍यो।

१ पत्रुस 4:2

ख्रीष्‍टला ताला थेकी च्‍योकराङ खानामेई था ख्‍योकोनगी दाक्‍पोन खुशी खिन जे खिता सेम लाङगीदुक थेराङ खिन देता माफाबो, बरू सोन सोनसाकराङ परमेश्‍वरगी च्‍यि खि सिका थे छ्या स्‍येला थेकी खि साबा च्‍योकराङ खिन देता थुप्‍क्‍यो।

१ यूहन्‍ना 2:17

होथोक थोक खित्‍कान्‍ते मिओन स्‍यिला डुइओ थेमे दि सा लुङबाङ था पालोई नाश गाल्‍ला तोरला डुइओ। परमेश्‍वरगी साबा च्‍योकराङ खित्‍कान्‍ते मिचेन सधैँभरि थेत्ताङराङ देता ङेत्‍क्‍यो।