मर्कूस 3:29 - जिरेल

²⁹ तर ईन्‍दा मेन्‍दा साला परमेश्‍वर आत्‍मे विरोध खित्‍कान्‍ते मिकीचेन नोमुङ माफ मेङेदो। थोक्‍ते मिला परमेश्‍वरगी दि जुनीलाङ तिरी जुनीलाङ नोमुङ माफ मेतेरो,” सिन सिदुक।

मर्कूस 3:29 ပူးပေါင်းရင်းမြစ်များ

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मत्ती 9:3

थेकी थोक सिरजीन थेरू ओताते धर्मे गुरूओन कोई कोईकी मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ सिन विचार खिताला स्‍यूसुङ।

मर्कूस 12:40

परमेश्‍वरला आउदी खाला माने खित्‍कान्‍ते ईन सिन तेन्‍दाला थेबाचेन काल्‍बासाक प्रार्थना खिन देत्‍कीदुक। लेमु खाईन तासीन नाङ नाङलाचेन थेबेकी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी थेबेकी आउदी छ्येज्‍यीक सजाय ङेत्‍क्‍यो,” सिन सिदुक।

मर्कूस 3:30

धर्मे गुरूओनगी थेत्ताङ परमेश्‍वर आत्‍मा मेत, थेलानी ल्‍हन्‍डीकका खोबाते ईन साबेकीराङ येशूकी दि बात साबा ओतान।

लूका 12:10

सुइँदेकी परमेश्‍वर ओत्‍सादुई वाबाते मि ङे विरोध खाला मेलेबा बात खिदुक सासीन थेकी माफ ङेता थुप्‍क्‍यो। ईन्‍दा मेन्‍दा साकीन परमेश्‍वर आत्‍मे विरोध खासीन थोक्‍ते मिकीचेन नोमुङ माफ ङेता मुथुबो।

२ थिस्‍सलोनिकी 1:9

होथोक्‍ते मिओनगी ङेत्‍च्‍येते सजाय च्‍यि ईन्‍दे सासीन थेबाचेन प्रभु येशू दोन्‍दु बान्‍दा देता मेङेदो। थेत्ताङ चुक छ्येज्‍यीक शक्ति ओता ईन्‍दाका सिनोङ नोमुङ थोङा मेङेदो। थेबेकीनी सधैँभरि आउदी खाला दुक्‍पा भोगे खिनराङ देता फाप्‍क्‍यो।

यहूदा 1:13

दोस्‍यिककामा मेन, थेबाचेन जेसुकै फोर मैलो उरला खुलाङकान्‍ते समुन्‍द्रे छाल च्‍योक्‍ते ईन। समुन्‍द्रे छालगी उरगीन खुलाकीन समुन्‍द्रे छेउदु बाम्‍बाते फोर मैलोतेबा गाङे थोङा च्‍योकराङ होथेबेकी खाबाते मेलेबाते कामतेबाङ गाङेकी थोङगो। थेबा ग्‍वाका नामनेकी ङील्‍ला तोरला डोच्‍येते कार्मे क्‍याक्‍पा च्‍योक्‍ते ईन। होथोक्‍ते मिओनला सधैँभरि सजाय तेराला परमेश्‍वरगी नरककुण्‍डमा आउदी मुन्‍दाकज्‍यीक ठाउँ ठीक खाईन ज्‍याक्‍पा ओत।

यहूदा 1:7

होथे दूतओनगी च्‍योकराङ खाईन सदोम, गमोराताङ थे फेरोला ओताते सारगी मिओनगीङ परमेश्‍वरगी साबाते माङेन्‍सुङ। थे सारगी मिओनगीचेन रन्‍डीबाजी थेमे होदि च्‍योक्‍ते खिता मेङच्‍येते आउदी मेलेबा मेलेबा काम खाबा ओतान। थोक खाबेकी खित्‍सादु परमेश्‍वरगी गन्‍धकताङ मे ताङगीन थे सारगी मिओनला सेता ओतान। थे खोरोङगी साबाते माङेन्‍ला मेलेबा काम खित्‍कानला चुक खाला नरककुण्‍डमा सधैँ बारगीन देत्‍च्‍येते मे धुनी नाङ लुक्‍ला सजाय तेरगीते सिन छ्या स्‍ये ज्‍युताला थेकी थोक खाईन थे सारगी मिओनला सजाय बिन्‍दा ओतान।