मर्कूस 3:27 - जिरेल

²⁷ दि बात छ्या स्‍येबा खि। च्‍यि सासीन सुइँदा ङार्माते मि खाम्‍बा क्‍वा चाल्‍सुङ सासीन गोमा थेला जुम्‍ला ठाक्‍पा फाप्‍क्‍यो। थेला ठाकीन रिल्‍नामेईकामा थे खाम्‍बा क्‍वा थुप्‍क्‍यो।

मर्कूस 3:27 ပူးပေါင်းရင်းမြစ်များ

मत्ती 12:29

च्‍यि सुइँदा ङार्माते मि खाम्‍बा क्‍वा चाल्‍सीन गोमा थेला जुम्‍ला ठाक्‍पा माफाबोतरो? थेला ठाकीन मारिलाथुपनी थे खाम्‍बा क्‍वा थुबोङ सिन चितेराङ माक्‍यासीन ओङगो।

यूहन्‍ना 12:31

था परमेश्‍वरगी दि सा लुङबे मि न्‍याय खित्‍च्‍ये बेला लेप्‍सुङ। था थेकी दि सा लुङबे गेल्‍बो शैतान शक्ति ठ्वाला दुरूकी तेन्‍ला तोङगो।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

कलस्‍सी 2:15

थेमे परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत सा नाम खाङ राज्‍य खित्‍कान्‍तेबे अधिकार थेकी थे खोरोङ लाःक्‍तु लासुङ। थेमे थेबा सुङगीङ था नोमुङ राज्‍य खिता मेङेदो सिन गाङेपा गाङेला छ्या स्‍ये च्‍युत्‍सुङ। दोक दोकचेन थेकी ख्रीष्‍ट स्‍यिङगी थामला टाँए खाईन स्‍याप्‍की खित्‍सादु खाबाते ईन।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।