मर्कूस 3:17 - जिरेल

¹⁷ थोकराङ खाईन थेबे नाङ जब्‍दी फुज्‍युङ याकूबताङ यूहन्‍नाङ ओतान। थेबा पुन ङिबोलाचेन येशूकी बोअनर्गेश सिन मिन्‍तोक ताबा ओतान। बोअनर्गेश साबाते नाम गुरूङ खाबा च्‍योकराङ थर्के खित्‍च्‍या खाला बात खित्‍कान्‍ते मिओन साबाते ईन।

मर्कूस 3:17 ပူးပေါင်းရင်းမြစ်များ

मत्ती 4:21

थेरूई टिक्‍पी फजेकपा गाल्‍नामेकी थेकी याङराङ ज्‍येन पुन ङिलाङ थोङसुङ। थेबा ङिबोचेन जब्‍दी फुज्‍युङ याकूबताङ यूहन्‍ना ओतान। थेबा ङिबो आबातेताङराङ डुङ्गे नाङ देत्‍ला ङ्या सेत्‍च्‍येते जाल तुने खिन ओतान। थेमे येशूकी थेबा पुन ङिबोलाङ थेत्ताङ ख्‍याम्‍बाला स्‍योक सिन काताङसुङ।

मर्कूस 10:35

थेमे थे तिरी जब्‍दी फुज्‍युङ याकूबताङ यूहन्‍नेकी येशू दोन्‍दु गाल्‍गीन “गुरू, ङ्योकोन खोल्‍ला बातज्‍यीक खितामीन। खुई दि बात मेङगो सिन मासेर,” सिन सिदुक।

मर्कूस 14:33

थोक खाला डोजीन थेकी पत्रुस, याकूबताङ यूहन्‍नालाचेन ङ्योम्‍बुराङ खेरसुङ। थे खोरोङला था चुक दुक्‍पा ओङगीते सिरच्‍ये ज्‍यीबाताङ पीरगी खित्‍सादु थेजीन थेते सेमोङ स्‍यिइन सिन्‍दा ओतान।

मर्कूस 3:16

थोक खाईन छाने खाबाते मेन्‍दा च्‍युन्‍ङी नाङ दोक्‍पोई शिमोन ओतान। थेला येशूकी पत्रुस सिन मिन ज्‍याक्‍पा ओतान।

मर्कूस 3:18

थेमे ज्‍येनतेबाचेन अन्‍द्रियास, फिलिप, बारथोलोमाइ, मत्ती, थोमा, अल्‍फयस फुज्‍युङ याकूब, थेदियस, देशभक्त सिराते पाटी मि शिमोन

मर्कूस 5:37

थेपा डोजीन येशूकी खालि पत्रुस थेमे याकूबताङ थे न्‍वा यूहन्‍नालाकामा ङ्योम्‍बु खेरसुङ।

मर्कूस 9:2

दि बात सानामेई ङीमा ठुक तिरी पत्रुस थेमे याकूबताङ यूहन्‍नाला टीकीन येशू थोम्‍बोज्‍यीक बोमदु गाल्‍सुङ। थेरू ज्‍येन मि सुङ मेतान। थेमे थेरू तेइन तेइनलाराङ थेबा सुमबोकी येशू झिलिमिली गालाते थोङसुङ।

लूका 9:54

थोक खाईन स्‍यासा माबिन्‍दाते थाहा छ्येत्‍कीन थे चेला याकूबताङ यूहन्‍नेकी येशूला “प्रभु, था ङ्योकोन परमेश्‍वरला स्‍वर्गनेई मे ताङला थे मिओनला सजाय बिन सिन सिरामीन, ना खो चुक सिते?” सिन सासुङ।

यूहन्‍ना 21:2

थे छोमु थेरू शिमोन पत्रुस, दिदिमस सिराते थोमा, गालील अञ्‍चल कानापे नथानेल, जब्‍दी फुज्‍युङबा ङिबो थेमे ज्‍येन मेन्‍दा ङि येशू चेलाओन ङ्योम्‍बुराङ ओतान।

शक्ति काम 12:1

थे बेले नाङपाराङ हेरोद गेल्‍बोकी येशू ख्रीष्‍ट मिओन कोई कोईला आउदी मेलेबा खाईन दुक्‍पा तेराला स्‍यूसुङ।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

छ्या स्‍ये च्‍युताते बात 10:11

थे सोकीन सिन्‍नामेकी “था खुई जात जातकीते, लुङबा लुङबेते, खुदुक खुदुक भाषे मि थेमे गेल्‍बोओनला था तिरी चुक चुक ओङगीते सिन परमेश्‍वरगी सिर च्‍युताते बात सिरा फाप्‍क्‍यो,” सिन ङाराङला साबाते बात थोसुङ।