मर्कूस 3:14 - जिरेल

¹⁴ थेमे थेकी थेबा मेन्‍दा च्‍युन्‍ङीला “ख्‍योकोनबरीचेन ङे खटे खाबाते मि ईन,” सिन सिदुक। थेकी थेबाचेन थे खोरोङताङ देताला थेमे तिरी गाङेपा गाल्‍ला मिओनला गा लाङच्‍येते बात लोपाला छाने खाबा ओतान।

मर्कूस 3:14 ပူးပေါင်းရင်းမြစ်များ

मर्कूस 3:13

थे तिरी येशू बोमज्‍यीकने गाल्‍सुङ। थेमे थे खोरोङ चेला ज्‍वा चालाते मिओनला थे खोरोङ दोन्‍दु काताङनामेई थेबा थे ओत्‍सादु गाल्‍सुङ।

मर्कूस 3:15

तिरी परमेश्‍वर बात लोप डोजीन थेकी थेबाला ल्‍हन्‍डीक खोबाते मिओनदुकी ल्‍हन्‍डीक तेन्‍ला तोङच्‍येते शक्ति बिन्‍दा ओतान।

मर्कूस 6:30

येशू ख्रीष्‍टकी खटे खाबाते चेलाओन युल युललेकी ग्‍युरगीन वाकीन खोपरोङगी खाबाते कामताङ बात गाङे थेला लाःप्‍सुङ।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

गलाती 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङाला खटे खाबाते मिकीङ मेन थेमे येशू ख्रीष्‍टकी खटे खाबाते मिकी खित्‍च्‍येते काम खिताला मिकी ताङातेङ मेन। येशू ख्रीष्‍ट थेमे थेला स्‍यिसादुकी सोम्‍बो लोक्‍कान्‍ते आबा परमेश्‍वरगीराङ ङाला खटे खाबाते ईन।