मर्कूस 3:11 - जिरेल

¹¹ थे मि हूलगी नाङ ओताते ल्‍हन्‍डीक खोबाते मिओनगी येशूला थोङनामेई गुर्बु खाला से खिन “हजूर, खो परमेश्‍वर फुज्‍युङ ईन,” सिन छेरा खिन ओतान।

मर्कूस 3:11 ပူးပေါင်းရင်းမြစ်များ

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मत्ती 4:6

“खो परमेश्‍वर फुज्‍युङ मेनरो? लो दुरूकी फाल ग्‍योप। च्‍यिला सासीन खोल्‍ला छ्याःङ मेलेबा मेङगो सिन परमेश्‍वर बातला दोक सिन टिबा ओत। चुक सासीन ‘खोल्‍ला जोए खिताला परमेश्‍वरगी थे खोरोङ दूतओन तोङगो। खुई काम्‍बा दोई लाक्‍तु माफाप्‍स्‍यीत थेमे खोल्‍ला माज्‍यीगोङ मोथोत्‍स्‍यीत सिन परमेश्‍वर दूतओनगी लाक्‍पा सेत्‍ला खोल्‍ला जिन्‍ग्‍यो,’ सिन टिबा ओत,” सिन सिदुक।

मत्ती 8:29

थेला ठेतासात्तु थेबेकी ल्‍हन्‍डीक खानापेई “हजूर, खो परमेश्‍वर फुज्‍युङ ईन सिन ङ्योकोनला छ्या ओत। च्‍यि परमेश्‍वरगी सजाय तेरच्‍येते दिन मालेपालाराङ खो दुरू ङ्योकोनला सजाय तेराला वाबाप, ना चुक?” सिन छेरा खासुङ।

मत्ती 8:31

थेमे थे ल्‍हन्‍डीकओनगी “ङ्योकोनला दि मिओन नाङदुकी तेन्‍ला तोङगोतराङ सासीन ओर्च्‍ये उथे फाक्‍पाओन नाङ देताला थोङ,” सिन सिरजीन

मर्कूस 1:1

परमेश्‍वर फुज्‍युङ येशू ख्रीष्‍टते गा लाङच्‍येते बात चुक खाईन शुरू ओङसुङा सिरच्‍येते बात दुरू टिबा ओत।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

लूका 8:28

येशूला ठेत्‍नामेकी थे मिकी गुर्बु खाला से खिन ल्‍हन्‍डीक खानापेई कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये,” सिन सिदुक।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।

१ कोरिन्‍थी 11:34

थेमे सुइँदाला त्‍वाबा लाङगीदुक सासीन बरू थेकी खाम्‍बादुराङ साप सोला ग्‍युक। प्रभु भोज साप्‍ला जम्‍मा ओङे बेलालाचेन ख्‍योकोनगी खेराङ गोःनामा परमेश्‍वर सजाय माफाप्‍स्‍यीत सिन लेमु खाला विचार खाला थे भोज सो। थेमे थरिङ ङे माटिबाते बातओनचेन था ङाराङ थेपा लेप्‍नामेकीराङ ख्‍योकोनला सिरामीन।

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।