मर्कूस 16:20 - जिरेल

²⁰ थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

मर्कूस 16:20 ပူးပေါင်းရင်းမြစ်များ

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 1:1

परमेश्‍वरगी ङुरूङ नाङ चुक चुक काम खासुङा, च्‍यि च्‍यि ओङसुङा सिरच्‍येते बात मि काल्‍बेईकी टिबा ओत।

लूका 1:2

थेबेकी टिबाते बातचेन नाम चुक ओङाते ईन्‍दे, चुक्‍ते ईन्‍दे सिन शुरूमेई थोङकान्‍तेताङ थोकान्‍ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्‍कीन बिन्‍दा ओत। थे मिओनचेन होदि बातओन लोपालाराङ खटे खाबाते ईन।

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 5:12

येशू ख्रीष्‍टकी खटे खाबाते मिओनगी मिओन नाङ छ्ये छ्येताङ अचम्‍बतेन्‍दे काम काल्‍बेई खिन ओतान। येशूला विश्‍वास खित्‍कान गाङेराङ डिक्‍ला परमेश्‍वर मन्‍दिरदु ओताते सोलोमन सिराते पिंढीदु जम्‍मा ओङगीन ओतान।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

हिब्रू 2:3

थे नियम मेङेन्‍कान्‍तेबेकीनी सजाय ङेता ओतान सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते दोक लेमुते बात माङेन्‍सीन ङुरूङ चुक खाला सजाय छ्य्‌वापेई थारगीतेरो? परमेश्‍वरगी मिला पापकी सजायदुकी डेल्‍च्‍येते बात गोमा प्रभु येशूकी लापाते ईन। थेमे थेकी लापाते बात थोकान्‍तेबेकी थे बात सत्‍यते ईन सिन ङुरूङला लाप्‍कीन बिन्‍दा ओत।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।