मर्कूस 16:19 - जिरेल19 थोक खाईन चेलातेबाताङ बात खाईन सिन्नामेकी प्रभु येशूला परमेश्वरगी स्वर्गने खेरसुङ। थेचेन परमेश्वर सामे छ्य्वापा देता ओत। အခန်းကိုကြည့်ပါ။ |
मर्कूस 16:19
37 ပူးပေါင်းရင်းမြစ်များ
थोक खाईन सोम्बो लोक्नामेकी परमेश्वरगी थेला छ्येज्यीक मान बिन्गीन थे खोरोङ सामे छ्य्वापा ज्याक्पा ओत। थे खोरोङगी मिओनला तेरग्यो साबाते परमेश्वर आत्मा तेरच्येते जिम्मा थेकी येशूला बिन्सुङ। आबातेकी जिम्मा बिन्दा च्योकराङ खाईन थेकी ङ्योकोनला परमेश्वर आत्मा बिन्सुङ। ख्योकोनगी थरिङ थोङातेताङ थोबाते बात ङ्योकोनगी परमेश्वर आत्मा ङेतेकी खित्सादुराङ ईन।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
परमेश्वर फुज्युङला ताला परमेश्वरताङ चुक छ्येज्यीक शक्ति ओता ईन्दा सिन छ्या स्येक्यो। परमेश्वरताङ थेला छ्याःङ फरक मेत, परमेश्वर जस्तो दुक थेङ उस्तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्यीत, थे थोक ओङस्यीत साला ओताते जति गाङे चुक चुक ओङा फाप्च्येते ईन्दे थोकराङ ओङ ज्युत्कान्ते थेराङ ईन। मि पापदुकी ठाल्च्येते लाम जोकीन थे स्वर्गने छ्येज्यीक शक्ति ओताते परमेश्वर सामे छ्य्वापा देता ओत।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
ကြော်ငြာတွေ