मर्कूस 16:17 - जिरेल17 ङाला विश्वास खित्कान्तेबेकी चुक चुक्तेन्दे अचम्बते काम खिता थुप्कीते सासीन थेबेकी ङे मिन लाला ल्हन्डीक तेन्ला तोङा थुप्क्यो, खोपरोङगी छ्या मास्येबाते भाषाला बात खिता थुप्क्यो। အခန်းကိုကြည့်ပါ။ |
मर्कूस 16:17
17 ပူးပေါင်းရင်းမြစ်များ
थे बातकामा खिन थे काल्बेई दिनसाक ङ्योकोन तिङ ङ्योइनराङ देत्सुङ। जहिलेङ थे थोककामा खिन ख्याम्जीन ङीमाई पावलगी स्येदाङ लाकीन ख्युर ग्युरगीन थे फेम्मे फिजाला खोबाते ल्हन्डीकला “ङा येशू ख्रीष्ट मिन लाला खोल्ला दि फिजादुकी थेन्ला ग्युक सिओ,” सिन सिदुक। थोक सिरासात्तु थे ल्हन्डीक दाक थे फेम्मे फिजाला ताङगीन गाल्सुङ।
थोक खाईन सोम्बो लोक्नामेकी परमेश्वरगी थेला छ्येज्यीक मान बिन्गीन थे खोरोङ सामे छ्य्वापा ज्याक्पा ओत। थे खोरोङगी मिओनला तेरग्यो साबाते परमेश्वर आत्मा तेरच्येते जिम्मा थेकी येशूला बिन्सुङ। आबातेकी जिम्मा बिन्दा च्योकराङ खाईन थेकी ङ्योकोनला परमेश्वर आत्मा बिन्सुङ। ख्योकोनगी थरिङ थोङातेताङ थोबाते बात ङ्योकोनगी परमेश्वर आत्मा ङेतेकी खित्सादुराङ ईन।
फिलिपकी थेङला मिओनला खोबाते ल्हन्डीकओनला थेबे नाङदुकी थेन्ला ग्युक सिन तेन्गीन ताङसुङ। थोक खाला तेन्ला तोङजीन थे ल्हन्डीकओन छेरा खिनकामा मिदुकी थेन्गीन गाल्सुङ। थोकराङ खाईन थेकी लाक्पा काम्बा चले खिता मुथुप्कान्ते मि काल्बेईला लाक्पा काम्बा चले खिता थुप्च्या जोसुङ। थेमे कुज्येतेबालाङ काल्बेईला ख्याम्बा थुप्च्या जोसुङ।
लोक्ला कोईला अचम्ब अचम्बतेन्दे काम खित्च्येते शक्ति बिन्दा ओङगो सासीन कोईला परमेश्वरगी सिर च्युताते बात खित्च्येते शक्ति बिन्दा ओङगो। थोकराङ खाला कोईला सुइँदेकी खाबाते बात परमेश्वर आत्मेकी सिर च्युताते ईन्दाना मेन्दे सिन डेल्च्येते शक्ति बिन्दा ओङगो। थेमे कोईला खोपरोङगी छ्या मास्येबाते खुदुक खुदुकते भाषाला बात खित्च्येते शक्ति बिन्दा ओङगो सासीन ज्येनज्यीकलाचेन होथोक्ते भाषाला बात खित्कान्ते मिकी खाबाते बातकी अर्थ खोले खित्च्येते शक्ति बिन्दा ओङगो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
ကြော်ငြာတွေ