मर्कूस 16:11 - जिरेल

¹¹ मरियम मग्‍दलिनीकी थेबाला “येशू सोम्‍बो लोक्‍तुक। ङे थेला ठेत्‍सुङ,” सिन सिरजीन थेबेकी थे बात बान्‍दा पत्ते माक्‍यासुङ।

मर्कूस 16:11 ပူးပေါင်းရင်းမြစ်များ

मत्ती 28:17

थेरू लेप्‍नामेकी थेबेकी थेला ठेत्‍कीन खोबुकला देत्‍कीन थेला मान खासुङ। ईन्‍सीनोङ थेबा कोई कोईकीनी थे सोम्‍बो लोगीन थेरू वाबाते ईन्‍दा मेन्‍दा सिन शंकाङ खासुङ।

मर्कूस 9:19

थोक सिरजीन येशूकी थेला “ख्‍योकोन था समय मिओन परमेश्‍वरला विश्‍वास खितराङ मिक्‍किकान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङ देत्‍च्‍ये? थे फिजाला दुरू खोरच्‍योक,” सिन सिदुक।

लूका 24:11

तर थे फेम्‍मे मिओनगी लाःपाते बात थेबाला ईन सिराच्‍योक मालासुङ। येशू सोम्‍बो लोक्‍पातेराङ ईन सिन थेबेकी पत्तेराङ माक्‍यासुङ।

लूका 24:41

थे लाक्‍पा काम्‍बा ताकीन थे पक्‍काराङ येशूराङ दुका सिन थेबाला आउदी गा लासुङ। थे थोक खाईन थेरू वाबाते थेबालानी मिलाम खाबा च्‍योककामा लासुङ, पत्तेराङ खिता माथुप्‍सुङ। थेबेकी थोरूमोङ पत्ते खाबा माथोङगीन थेकी “ख्‍योकोनताङ खइँदा साच्‍येते ओत?” सिन ठिसुङ।

यूहन्‍ना 20:25

थेमे ज्‍येनतेबेकी “ङ्योकोनगी प्रभु येशूला ठेत्‍सुङ,” सिन सिरजीन थेकी “थे लाक्‍पाला काँटी ग्‍याप्‍कीन थोताते मे डाम माथोङथुप, काँटी ग्‍याप्‍सादु ङाराङ लाक्‍पे जु च्‍वाकीन माताथुप थेमे थे कोखापा लाक्‍पा ज्‍याइन माताथुपचेन ङा दि बात पत्तेराङ मिक्‍किओ,” सिन सिदुक।