मर्कूस 15:46 - जिरेल

⁴⁶ थेमे यूसुफकी गाल्‍गीन कार्मुते खोलाक ङ्योसुङ। थेमे येशू रो स्‍यिङगी थामदुकी थेन्‍गीन थे खोलाककी ठील्‍गीन फुकज्‍यीक्‍तु खेरगीन ज्‍याक्‍सुङ। थे फुक स्‍याप्‍ते मि ज्‍य्‌वाबाला ठाःक ठुकीन जोबा ओतान। येशू रो ज्‍याक्‍नामेई थेकी जोदाज्‍यीक दो रिल्‍गीन थे फुगी गो टाले खाईन ज्‍याक्‍सुङ।

मर्कूस 15:46 ပူးပေါင်းရင်းမြစ်များ

मत्ती 28:2

थेमे थेरू चुक ओङसुङा सासीन स्‍वर्गनेकी प्रभु परमेश्‍वर दूतज्‍यीक लिच्‍युङ। वाकीन थेकी थे फुगी गोनापा ज्‍याक्‍पाते दो थेरूई पल्‍टे खाईन च्‍याकीन थे लाक्‍तु देत्‍सुङ। थे थोक खाला ओङजीन थेरू ज्‍यीबा लाङच्‍याई सेदेर्मु गाला ओतान।

मर्कूस 15:45

थेकी “ईन, थे स्‍यिसुङ,” सिन सानामेई पिलातसकी यूसुफला “येशू रो खेरसीन ओङगो,” सिन सिदुक।

मर्कूस 15:47

मरियम मग्‍दलिनीताङ योसे आमा मरियमगी थेला चुक खाईन खापा ज्‍याक्‍सुङा सिन गाङे ताबा ओतान।

लूका 23:53

थेमे थेकी येशू रोला स्‍यिङगी थामदुकी थेन्‍गीन कार्मुते खोलाककी ठील्‍गीन फुकज्‍यीक्‍तु खेरगीन ज्‍याक्‍सुङ। स्‍याप्‍ते मि ज्‍य्‌वाबाला सिन ठाःक ठुकीन थे फुक जोबा ओतान। थे नाङ गोमा सुङगीङ रो ज्‍याक्‍पा मेतान।

यूहन्‍ना 11:38

येशूला याङराङ खपेराङ खिता मुथुप्‍च्‍या आउदी मेलेबा लासुङ। थेमे थे लाजरस रो ज्‍याक्‍पाते फुकनापा लेप्‍सुङ। थे फुकचेन रो ज्‍य्‌वाबाला ठाःक ठुकीन जोबा ओतान। थेमे थे फुगी गोनापा दोज्‍यीक क्‍योरगीन ज्‍याक्‍पा ओतान।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

यूहन्‍ना 20:1

थेमे आदेरी छोमु साला नाम्‍दाक माफोक्‍पालाराङ मरियम मग्‍दलिनी येशू रो ज्‍याक्‍पाते फुकनापा गाल्‍सुङ। थेपा लेप्‍नामेकी थेकी थेरू फुगी गोदु ज्‍याक्‍पाते दो थेरूकी थेन्‍दा ओता थोङसुङ।