मर्कूस 15:34 - जिरेल

³⁴ थेमे तीन बजेला येशूकी कस्‍स्‍ये खाईन “इलोई, इलोई, लामा सबखथनी?” सिन सासुङ। दोक साबाते “ए परमेश्‍वर, ए परमेश्‍वर, खो ङात्ताङ थाल्‍ला च्‍यिला ठाले?” साबाते ईन।

मर्कूस 15:34 ပူးပေါင်းရင်းမြစ်များ

मत्ती 27:45

थेमे ङीम्‍मु बाह्र बजेमेकी तीन बजेसाक लुङबा खाङ मुन्‍दाक जिङी गाल्‍सुङ।

मत्ती 27:46

थेमे तीन बजे नाङपा येशूकी कस्‍स्‍ये खाईन “एली, एली, लामा सबखथनी?” सिन सासुङ। दोक साबाते “ए परमेश्‍वर, ए परमेश्‍वर, खो ङात्ताङ थाल्‍ला च्‍यिला ठाले?” साबाते ईन।

मर्कूस 15:25

थेला थोक खाला टाँए खित्‍जीन ङोमु नौ बजे खाबा ओतान।

मर्कूस 15:35

थेकी थोक साबा थोकीन च्‍यि साताका सिन लेमु खाईन माखोबेकी थेरू थेला च्‍यि च्‍यि ओङगीका सिन ताकीन देता ओताते कोई कोईकीचेन “उ तोना, तो। दिकीनी एलियालाका कातोङाला स्‍यूसुङ,” सिन सासुङ।

लूका 23:44

थेजीनसाकला ङीम्‍मु बाह्र बजे खिता खाबा ओतान। थेमे होथोजो बेलामेकी ङीमे नाम्‍दाक तोरगीन तीन बजेसाक लुङबा खाङ मुन्‍दाक जिङी गाल्‍सुङ। थेमे परमेश्‍वर मन्‍दिर नाङदु क्‍योराते पर्दा ईनेकी मिमासाकराङ टुक्रा ङि गाल्‍गीन राल्‍सुङ।

लूका 23:46

थेमे येशूकी कस्‍स्‍ये खाईन “आबा, ङा ङे आत्‍मा खुई लाःक्‍तुराङ सोम्‍पे खिओ,” सिन साकीन ग्‍याङ स्‍यिसुङ।

शक्ति काम 10:3

ङीमाई ग्‍वासे तीन बजे नाङला परमेश्‍वरगी थेला मिलाम खित ज्‍युताच्‍योक खित च्‍युत्‍सुङ। च्‍यि सासीन थेकी परमेश्‍वर दूतज्‍यीकला थे खोरोङ दोन्‍दु वाबाते लेमु खाईन थोङसुङ। थे दूतकी थेला “कर्नेलियस,” सिन काताङसुङ।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।