मर्कूस 15:21 - जिरेल

²¹ येशूला टीला डुइन डुइनलाराङ लामला मिल्‍टेरीओनगी युलनापेई सारनापा ओङगीन ओताते शिमोन सिराते मिला ठेत्‍सुङ। थेचेन साइरेनीपे मि ओतान। थे अलेक्‍जेन्‍डरताङ रूफसबे आबा ओतान। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम जबरजस्‍ती कुरगीन खेरसुङ।

मर्कूस 15:21 ပူးပေါင်းရင်းမြစ်များ

मत्ती 27:32

थेमे येशूला टीला डुइन डुइनलाराङ लामला थेबेकी साइरेनीपे शिमोन सिराते मिला ठेत्‍सुङ। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम जबरजस्‍ती कुरगीन खेरसुङ।

मत्ती 5:41

थेमे सुइँदेकी ख्‍योकोनला जबरजस्‍ती खाईन कोस फेस्‍याकजो खेरा चाल्‍सीन थेत्ताङ कोसज्‍यीकजोराङ ग्‍युक।

मर्कूस 15:20

थोक खाईन खिस्‍यी खाईन सिन्‍नामेकी थेबेकी थेला कोन्‍दाते मोर्मुते खोलाक टोल्‍गीन थे खोरोङ खोलाकराङ कोन्‍गीन बिन्‍सुङ। थेमे थेरूकी थेला स्‍यिङगी थामला टाँए खाला सेताला खेरसुङ।

लूका 14:27

ङे चेला ओङा छोल्‍कान्‍ते मिकीचेन जस्‍तो दुक्‍पा ओङसीनोङ ओङस्‍यीत सिन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी तिरी ख्‍याम्‍बा फाप्‍क्‍यो।

लूका 23:26

थेमे मिल्‍टेरीओनगी येशूला सेताला खेरसुङ। लामला डुइन डुइनला थेबेकी युलनापेई सारनापा ओङगीन ओताते शिमोन सिराते मिला ठेत्‍सुङ। थेचेन साइरेनीपे मि ओतान। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम कुरगीन येशू तिरी तिरी ख्‍याम च्‍युत्‍सुङ।

यूहन्‍ना 19:17

मिल्‍टेरीओनगी जिम्‍मा लानामेई येशू थे खोरोङला टाँए खाला सेत्‍च्‍येते स्‍यिङगी थाम खुरगीन खप्‍पर ठाउँ सिरसापा ख्‍याम्‍सुङ। थे ठाउँला हिब्रू बातला गलगथा सिनोङ सिरच्‍येते खिन ओतान।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 2:10

थेमे लाला फ्रिगिया, पामफिलियाताङ मिश्रे मिओन ईन। थोकराङ खाला कोई लिबिये लुङबेते साइरेनी सारगी छेउकी नाङपेते ईन। कोई रोम सारदुई वाबाते ईन। ङुरूङ कोई यहूदीओन थेमे कोई यहूदी धर्म माने खिताला स्‍यूबाते ज्‍येन ज्‍येन जातकी मि ईन।

शक्ति काम 6:9

तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्‍सुङ। थेबेते मिटिङ खित्‍च्‍येते खाम्‍बाङ खोपरोङते खुदुकराङ ओतान। थेबाला योक्‍पो योङमु खित्‍सादुई ताङाते मि ईन सिन सिरच्‍येते खिन ओतान। साइरेनीताङ अलेक्‍जेन्‍ड्रिया सार थेमे सिलिसियाताङ एशिये अञ्‍चल नाङपेकी वाकीन देताते ज्‍येन ज्‍येन यहूदीङ दिबाताङ डिक्‍पा ओतान। होदिबा गाङेराङ डिगीन स्‍तिफनसकी खाबाते बात ङेन्‍दा ओङच्‍येते मेन सिन थेत्ताङ टेकाटेउरी खासुङ।

रोमी 16:13

थे खोरोङ काम खिताला प्रभु ख्रीष्‍टकी छाने खाबाते रूफसला ङेते नमस्‍ते ओत सि। थेमे ङाला थे मोरोङ फुज्‍युङला च्‍योकराङ खाला लेमु खित्‍कान्‍ते थे आमालाङ ङेते नमस्‍ते ओत सि।