मर्कूस 14:61 - जिरेल

⁶¹ थेकी थोक सिरजीन येशू छ्याःङ मिसिरा खाईन खाराक्‍पाराङ देत्‍सुङ। लोईनराङ थेकी “च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो प्रभु परमेश्‍वर फुज्‍युङ ईन्‍दासीन मेन?” सिन ठिसुङ।

मर्कूस 14:61 ပူးပေါင်းရင်းမြစ်များ

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मत्ती 8:29

थेला ठेतासात्तु थेबेकी ल्‍हन्‍डीक खानापेई “हजूर, खो परमेश्‍वर फुज्‍युङ ईन सिन ङ्योकोनला छ्या ओत। च्‍यि परमेश्‍वरगी सजाय तेरच्‍येते दिन मालेपालाराङ खो दुरू ङ्योकोनला सजाय तेराला वाबाप, ना चुक?” सिन छेरा खासुङ।

मर्कूस 14:60

मिओनगी थोक थोक सानामेकी गाङे भन्‍दा छ्येते पूजारीकी गाङे दोन्‍दु लाकीन येशूला “खो च्‍यिला खाराक्‍पा देत्‍कीते? दिबेकी खुई थोक थोक खासुङ सिन साबाते बात पक्‍काराङ ईन्‍दाना च्‍यिन्‍दे?” सिन ठिसुङ।

मर्कूस 15:2

थेरू क्‍याल्‍नामेकी पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। थोक सिरजीन येशूकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 10:24

थे थेङला ख्‍याम्‍गीन ओते बेलालाराङ यहूदीओन थेरू लेप्‍कीन थे फेरो खाङ जम्‍मा ओङसुङ। थेमे “खो परमेश्‍वरगी तोङगो साबाते ख्रीष्‍ट ईन्‍दाना मेन्‍दे? ईन्‍सीन ङ्योकोनला लेमु खाला ईन सिन लोःप। खो नामसाक ङ्योकोनला दि बात मालाःपा खाला देत्‍कीते?” सिन सासुङ।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 19:7

थेमे थे यहूदीओनगी “दिकी दि खोरोङला परमेश्‍वर फुज्‍युङ ईन खिदुक। ङ्योकोनते नियमज्‍यीक ओत। थे नियम ताजीन थोक साबेकी खित्‍सादु दिला सेताराङ फाप्‍क्‍यो,” सिन सिदुक।

यूहन्‍ना 19:9

थेमे लोईन नाङने स्‍यूकीन थेकी येशूला “खो खापे मि ईन्‍दे?” सिन ठिसुङ। तर येशू खाराक्‍पा देत्‍सुङ।

शक्ति काम 8:32

थेकी पढे खिन ओताते परमेश्‍वर बातलाचेन दोक सिन टिबा ओतान। चुक सासीन “सेताला टीबाते लुक सेत्‍सापा खेरजीन सरासर गालाच्‍योक खाईन सेत खेरजीन थेङ खाराक्‍पाराङ गाल्‍सुङ। थेमे फाल ठेक्‍पाला ठाकीन रिलाते लुई रीउकी छ्याःङ खिता मुथुपा च्‍योकराङ खाईन दुक्‍पा तेरजीन गाङे दुक्‍पा भोगे खाईन थेकीङ खानामा ङोरोज्‍यीगोङ मातेन्‍सुङ।

१ तिमोथी 1:11

येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातचेन गा लाङच्‍येते बातला साबा ओत। गा लाङच्‍येते बातचेन आउदी अचम्‍बते बात ईन। दि बातचेन जेसुकै ओत्‍कान्‍ते परमेश्‍वरगी मिओनला छ्या स्‍ये च्‍युता ओत। थेमे दि बात ज्‍येन मिओनला लोप सिन थेकी ङाला जिम्‍मा बिन्‍दा ओत।

१ तिमोथी 6:15

परमेश्‍वरगी तोके खाबे बेलालाराङ प्रभु येशू ख्रीष्‍ट ग्‍युरला ओङगो। परमेश्‍वरचेन जेसुकै ओत्‍कान्‍ते ईन। सा नाम खाङ गाङेपा राज्‍य खित्‍कान्‍ते थेकामा ईन। थे गेल्‍बोओनतेङ गेल्‍बो थेमे गाङे छ्येतेबेतेङ छ्येते ईन।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।