मर्कूस 14:6 - जिरेल6 थोक स्येदाङ खाईन थेबेकी थे फेम्मे मिला ङारा थोङगीन येशूकी थेबाला “ख्योकोन च्यिला दिला दोक खाला थाप्कीते? दिला माङार। दिकीनी ङाला खिता सोई खित्च्येते कामराङ खाबाते ईन। အခန်းကိုကြည့်ပါ။ |
मर्कूस 14:6
23 ပူးပေါင်းရင်းမြစ်များ
प्रभु येशू मिकी चुक खिता फाप्कीते सिन छ्या स्येला ख्योकोनगी थोकराङ खित्स्यीत, काम बात जे खासीनोङ थेला मन परे मिक्किच्येते सिराते छ्याःङ मिक्किस्यीत बरू झन झन लेमुते कामकामा खित्स्यीत थेमे परमेश्वर सु ईन्दे, चुक्ते ईन्दे सिन झन लेमु खाला छ्या स्येस्यीत सिन ङ्योकोन दोक खाला प्रार्थना खिओ।
दोस्यिककामा मेन, थेबाचेन लेमु कामगी लाईदु मिन चले खाबाते मि ओङा फाप्क्यो। थोक साबाते च्यि सासीन फुज्युङ फुमुला लेमु खाईन हुर्के खाबाते, खाम्बादु वाबाते मिला लेमु खित्कान्ते, परमेश्वर सन्तानओन खाम्बादु ओङजीन काम्बा टुला तेरकान्ते, दुक्पा ओताते मिओनला ताकान्ते थेमे ज्येनोङ होदोक्ते लेमुते काम खित्च्ये छ्य्वापा स्येत खिन देताते फेम्मे मि ओङा फाप्क्यो।
थोगी धनीतेकी लेमुते कामलाकामा चले खित्च्येते सेरताङ चाँदी स्यी च्योकराङ ओङाला मिकी मेलेबा कामताङ बातकी छ्य्वापेई ठाला फाप्क्यो। दोक खासीन थोक्ते मिचेन थे खोरोङ मालिक ख्रीष्टकी लाईदु काम लै खित्च्येते थेमे थेकी खि साबा च्योककामा खित्कान्ते मि ओङगो। थेमे थोक्ते मिकी लेमुते कामताङ बात खिता थुप्क्यो।
परमेश्वरला छ्या मेस्येकान्ते खेराङला मेलेबा मि ईन सिरकान्ते मिओन नाङराङ देता ओत्सीनोङ काम बात जे खित्जीनोङ ख्योकोनगी लेमुतेकामा खि। दोक खाईन ख्योकोनगी लेमुकामा खानामेई था परमेश्वरगी वाला मि गाङे न्याय खिते छोमु ख्योकोनला मेलेबा मि सिन सिरकान्ते होथे मिओनगी ख्योकोन थोक्ते मि मेन्दाक्वा सिन छ्या स्येला परमेश्वरते जय जय खिओ।
ကြော်ငြာတွေ