मर्कूस 14:54 - जिरेल

⁵⁴ थोक खाला थेला थेपा खेरजीन पत्रुसोङ थेबेकी मोथोङा खाईन थेबे तिङ ङ्योगीन गाल्‍गीन थे खाम्‍बे स्‍याङकादुराङ लेप्‍सुङ। थेमे थे खाम्‍बे पालेओनताङ ङ्योम्‍बुराङ देत्‍कीन मे दाप्‍ला स्‍यूसुङ।

मर्कूस 14:54 ပူးပေါင်းရင်းမြစ်များ

मत्ती 26:3

थेमे थे बेले नाङपाराङ छ्ये छ्ये पूजारीताङ यहूदीओन छ्ये छ्ये मि कैयाफा सिराते गाङे भन्‍दा छ्येते पूजारी खाम्‍बादु जम्‍मा ओङसुङ।

मत्ती 26:58

थोक खाला येशूला थेपा खेरजीन पत्रुसोङ थेबेकी मोथोङा खाईन थेबे तिङ ङ्योगीन गाल्‍गीन थे खाम्‍बासाकराङ लेप्‍सुङ। थेमे येशूला नाङने चुक चुक खिका सिन छ्या स्‍येबाला थेचेन थे खाम्‍बादु देता ओताते पालेओनताङ थेरू स्‍याङकादुराङ देत्‍सुङ।

मर्कूस 14:38

थेबा गाङेला “ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक। तर खेराङगी खिता चालाच्‍योक खिता मुथुप्‍तुक,” सिन सिदुक।

मर्कूस 14:66

नाङने थोक थोक ओङजीन पत्रुसचेन स्‍याङकादुराङ ओतान। थे गाङे भन्‍दा छ्येते पूजारी खाम्‍बादु काम खित्‍कान्‍ते फेम्‍मे मिज्‍यीक स्‍याङकादुई खाला डोजीन

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

लूका 22:54

थेमे थेबेकी येशूला जुम्‍गीन गाङे भन्‍दा छ्येते पूजारी खाम्‍बादु क्‍याल्‍सुङ। थोक खाला थेला थेपा खेरजीन पत्रुसोङ थेबेकी मोथोङा खाईन थेबे तिङ ङ्याकीन गाल्‍सुङ।

यूहन्‍ना 18:18

थेजीन खेबा ओतेकी खित्‍सादु थे खाम्‍बादु काम खित्‍कान्‍ते मिओन थेमे मन्‍दिरदु देत्‍कान्‍ते पुलिसओन स्‍याङकादु मे फुकीन फेरो खाङ लाकीन देत्‍कीन मे देइन ओतान। थेमे पत्रुसोङ थेबे खादुराङ लाकीन देत्‍कीन मे दाप्‍ला स्‍यूसुङ।

यूहन्‍ना 18:25

शिमोन पत्रुसचेन थोरूमसाकोङ लाला थेरू मे देइनराङ ओतान। थेमे थेरू ओताते मिओनगी थेला “च्‍यि खोङ थे मि चेलाराङ मेनरो?” सिन ठिसुङ। ठिजीन थेकी “मेन मेन, ङानी ईनराङ मेन,” सिन सिदुक।