मर्कूस 14:41 - जिरेल

⁴¹ तिरी पालोला प्रार्थना खाला ग्‍युरला ओङजीन थोरूमोङ थेबा सुमबो ङ्याल्‍गीनराङ देता ओता थोङगीन थेकी “च्‍यि ख्‍योकोन थोरूमोङ ङ्याल्‍गीनराङ देता ओत? थोरूमोङ ङ्याल्‍गीन मादाङसुङ? थानी ङेते दुक्‍पे बेलाङ लेप्‍कीन सिन्‍सुङ। था परमेश्‍वर ओत्‍सादुई वाबाते मि ङा पापीओन लाःक्‍तु फाप्‍कीन सिन्‍सुङ।

मर्कूस 14:41 ပူးပေါင်းရင်းမြစ်များ

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मर्कूस 14:10

थेमे येशू चेला च्‍युन्‍ङी नाङ यहूदा इस्‍करियोत छ्ये छ्ये पूजारी ओत्‍सादु गाल्‍सुङ। थेमे येशूला थेबे लाःक्‍तु सोम्‍पे खिता थुप्‍क्‍यो सिन बात खासुङ।

मर्कूस 14:18

थेमे थेरू साप सेइन सेइनलाराङ येशूकी थेबाला “ङा ख्‍योकोनला बातज्‍यीक सिओ। च्‍यि सासीन ख्‍योकोन नाङ दोक्‍पोईकी था ङाला धोका तेरग्‍यो। थेचेन थाल्‍ला ङात्ताङ ङ्योम्‍बुराङ देत्‍ला सेइन ओत,” सिन सिदुक।

मर्कूस 14:35

थे खोरोङचेन टिक्‍पी फजेकपा गाल्‍गीन खोबुकला देत्‍कीन था थे खोरोङला ओङा खाबाते दुक्‍पा भोगे खिता माफाप्‍सीन ओङच्‍या ओतान सिन परमेश्‍वरला प्रार्थना खिताला स्‍यूसुङ।

मर्कूस 14:40

लोक्‍ला थे थेरू ग्‍युरला ओङजीनोङ थेबा सुमबो ङिकराङ गाल्‍गीन देता ओतान। ङिगी जाप्‍की खित्‍सादु थेबेकी मिगोङ बेता थुपा मेतान, थेत्ताङ लेमु खाला बात खिताङ थुप्‍कीन मेतान।

मर्कूस 14:42

लो ल्‍वा, था डुइ उ थोङसुङ? ङाला धोका तेरकान्‍ते मि देपा ओङगीनराङ दुक,” सिन सिदुक।

मर्कूस 7:9

थोरूमोङ बात खिन थेकी “खेराङ रीतिथिति माने खिताला ख्‍योकोनगी च्‍याङबो खाईन परमेश्‍वरगी खि साबाते नियमओन ङेन्‍दा ताङला दुक।

मर्कूस 9:31

च्‍यिला सासीन थेकी चेलातेबाला थोरूमोङ बात लोपा फाप्‍च्‍या ओतान। दोक खाला डुइन डुइन थेकी चेलातेबाला “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ। थेमे थेबेकी ङाला सेत्‍क्‍यो। तर ङीमा सुम तिरी ङा सोम्‍बो लोइओ,” सिन सिदुक।

यूहन्‍ना 12:23

थेमे थेकी थेबाला “था परमेश्‍वर ओत्‍सादुई वाबाते मि चुक छ्ये ईन्‍दे सिन परमेश्‍वरगी मिओनला छ्या स्‍ये ज्‍युत्‍च्‍ये बेला लेपा खासुङ।

यूहन्‍ना 12:27

थाल्‍ला ङाला आउदी पीर लाला दुक। थेमे च्‍यि ङे ‘आबा, ङाला दोक दुक्‍पा ओङ माज्‍युत,’ सिन सिरच्‍या? अहँ, मेन। दोक खाला दुक्‍पा भोगे खितालाराङ ङा दुरू वाबाते ईन।

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 7:30

थेकी थोक सिरजीन थेबेकी थेला जिन्‍दा चाल्‍सुङ। तर थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी सुङगीङ थेला रिक्‍लाङ द्वा माथुप्‍सुङ।

यूहन्‍ना 8:20

थेकी दि बाततेबा परमेश्‍वर मन्‍दिरदु भेटी चढे खित्‍से खादु देत्‍ला मिओनला लोप्‍जीन खाबा ओतान। मिओनगी थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी थेजीनोङ सुङगीङ थेला छ्याःङ माक्‍यासुङ।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।