मर्कूस 14:11 - जिरेल

¹¹ थे बात थोकीन थेबाला आउदी गा लासुङ। थोक खासीन थेला थेबेकी पैसा तेरग्‍यो सिन सासुङ। थेबाताङ ठो खाईन गाल्‍नामेई थेकी था च्‍यि छोमु येशूला जिन ज्‍युता थुप्‍कीका सिन मौका तेइनराङ देत्‍सुङ।

मर्कूस 14:11 ပူးပေါင်းရင်းမြစ်များ

मत्ती 26:14

थेमे येशू चेला च्‍युन्‍ङी नाङ यहूदा इस्‍करियोत सिराते छ्ये छ्ये पूजारी ओत्‍सादु गाल्‍सुङ।

मत्ती 26:15

थेमे थेकी थेबाला “ङे येशूला ख्‍योकोन लाःक्‍तु सोम्‍पे खासीन ख्‍योकोन ङाला च्‍यि तेरगीते?” सिन बात खासुङ। थोक खासीन थेला चाँदी डबल खालज्‍यीकताङ च्‍युताम्‍बा तेरग्‍यो सिन बात डिक्‍पा खाईन थेबेकी थोस्‍यिक पैसाङ बिन्‍सुङ।

मर्कूस 14:10

थेमे येशू चेला च्‍युन्‍ङी नाङ यहूदा इस्‍करियोत छ्ये छ्ये पूजारी ओत्‍सादु गाल्‍सुङ। थेमे येशूला थेबे लाःक्‍तु सोम्‍पे खिता थुप्‍क्‍यो सिन बात खासुङ।

मर्कूस 14:12

थेमे सोडा मुलुबा खाला स्‍योबेन स्‍येला साच्‍येते चाड ख्‍योला ओतान। थे चाडगीते गोमे छोमु निस्‍तार चाड माने खिताला लुई रीउ सेता फाप्‍कीन ओतान। थेमे चेलातेबेकी येशूला “गुरू, ङ्योकोनगी खोल्‍ला सिन निस्‍तार चाडगी भोज खापा गाल्‍ला ठीक खिसे, ङ्योकोन खापा ग्‍युगे?” सिन ठिसुङ।

लूका 22:3

थेमे येशू चेला च्‍युन्‍ङी नाङ यहूदा इस्‍करियोत सिराते सेमगी नाङ शैतान स्‍यूसुङ।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।