मर्कूस 13:14 - जिरेल

¹⁴ थेमे परमेश्‍वर बातला ‘था परमेश्‍वर विरोध खिताला ङीमा लेनज्‍यीक आउदी किक्‍टो लाङच्‍याज्‍यीक खइँदा ज्‍य्‌वाबा मेङच्‍येते ठाउँला ज्‍याक्‍पा थोङगो,’ सिन साबा ओत। दि बात पढे खित्‍कान गाङेकी च्‍यि साबाते ईन्‍ताका सिन खोबा खि। परमेश्‍वर बातला साबा च्‍योकराङ होथोक ओङा थोङनामेई यहूदिये अञ्‍चलदु देत्‍कान्‍ते मि गाङेराङ दाक्‍पोन ज्‍यान जोए खिताला बोम बोमला छ्योङा फाप्‍क्‍यो।

मर्कूस 13:14 ပူးပေါင်းရင်းမြစ်များ

मत्ती 13:51

थोक साकीन च्‍याकीन येशूकी चेलातेबाला “च्‍यि ङे साबाते दि गाङे बात ख्‍योकोनगी खोसुङ?” सिन ठिसुङ। थेमे थेबेकी “अँ, खोसुङ गुरू,” सिन सिदुक।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

छ्या स्‍ये च्‍युताते बात 1:3

परमेश्‍वरगी छ्या स्‍ये च्‍युताते दि किताब नाङ टिबाते था तिरी ओङच्‍येते बातओन पढे खित्‍कान्‍ते थेमे थोला दुरू खि साबा च्‍योकराङ खित्‍कान्‍ते मि भाग्‍यमानी ईन। च्‍यिला सासीन दुरू साबाते दि गाङे बात था होत्ता साबा च्‍योकराङ ओङगीन ओत।

छ्या स्‍ये च्‍युताते बात 13:18

दि बात खोबालाचेन आउदी बुद्धि गोक्‍यो। दि बात खोबा थुप्‍च्‍येते बुद्धि ओत्‍कानगी थे जन्‍तु नम्‍बर ङोला तारस्‍यीत। दि मि नम्‍बर ईन। दि नम्‍बरचेन ६६६ ईन।