मर्कूस 12:24 - जिरेल

²⁴ थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

मर्कूस 12:24 ပူးပေါင်းရင်းမြစ်များ

मत्ती 22:29

थेबेकी थोक सिरजीन येशूकी “ख्‍योकोनगी मि स्‍यिनामेई तिरी सोम्‍बो मोलोगो सिन सिओ। दि बात ईनराङ मेन। परमेश्‍वर बात पढे खित्‍जीन थेरू च्‍यि साबाते ईन्‍दे सिन ख्‍योकोनगी खोबा ईन्‍सीन थेमे परमेश्‍वरताङ जेङ खिता थुप्‍च्‍येते शक्ति ओत सिन छ्या स्‍येबा ओता ईन्‍सीन मि तिरी सोम्‍बो मोलोगो सिन सिरच्‍या मेतान।

मर्कूस 10:27

थोक खित्‍जीन थेकी थेबा ओत्‍सापाला ताकीन “मि छ्युक्‍पु ओङला कि धर्म खाला परमेश्‍वर राज्‍यने स्‍यूक्‍पा मुथुबो। मिकी खिता मुथुप्‍च्‍येते दि काम परमेश्‍वरगी सजिलो खाला खिओ। थेकी खिता मुथुप्‍च्‍येते छ्याःङ मेत,” सिन सिदुक।

मर्कूस 12:23

था तिरी स्‍याप्‍ते मिओन सोम्‍बो लोक्‍जीन थे फेम्‍मे मिला खाङगी फेम्‍मे सिन सिरच्‍ये ओना? थेलानी गोमा पुन दुईनकारगी फाङमा खाबा ओतान,” सिन सासुङ।

मर्कूस 12:25

था तिरी स्‍याप्‍ते मिओन सोम्‍बो लोक्‍नामेई थेबानी स्‍वर्गने देत्‍कान्‍ते परमेश्‍वर दूतओन च्‍योकराङ फाङमाराङ मिक्‍किता खाला देत्‍क्‍यो। थेजीन फाङमा खित्‍च्‍येते बात सिराते छ्याःङ मेङगो।

लूका 1:37

थोगी परमेश्‍वरगी खिता मुथुप्‍च्‍येते दुरू छ्याःङ मेत,” सिन सिदुक।

यूहन्‍ना 20:9

येशू स्‍यिनामेई सोम्‍बो लोइओ सिन परमेश्‍वर बातला टिबाते बात थेबेकी थेजीनसाकोङ खोबा मेतान।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

रोमी 15:4

परमेश्‍वर बातला गोमाबा टिबा ओताते गाङे बात ङुरूङगी खइँदा लोप्‍स्‍यीत सिन टिबाते ईन। थे बात ताजीन ङुरूङगी ज्‍येनतेबे ख्‍याल ज्‍य्‌वाजीन दुक्‍पा ओङसीनोङ चुक खाला सेम मेसेता खाला काम खिन देता फाप्‍च्‍या ईन्‍दाका सिन छ्या स्‍येक्‍यो। थेमे परमेश्‍वरगी खिओ साबाच्‍योक पक्‍काराङ खिओ सिन आश खाला गुलाराङ देता थुप्‍क्‍यो।

एफिसी 1:19

थेमे ख्रीष्‍टला विश्‍वास खित्‍कान ङुरूङ नाङ परमेश्‍वरगी चुक छ्येज्‍यीक शक्तिकी काम खिन ओते सिन ख्‍योकोनला छ्या स्‍ये ज्‍युत्‍स्‍यीत सिनोङ प्रार्थना खिओ। थेकी ङुरूङ नाङ जुन छ्येज्‍यीक शक्तिकी काम खिन दुक होथे शक्तिकीराङ

फिलिप्‍पी 3:21

ङुरूङ जीउ प्रभु येशू ख्रीष्‍टकीते सोम्‍बो लोक्‍जीन ओताते जीउ च्‍योक मेत। थोगी ङुरूङ नेइओ, दुक्‍पा ओङगो थेमे ङुरूङ स्‍यिनामेई रूल्‍ला डुइओ। ईन्‍सीनोङ था प्रभु येशू ख्रीष्‍ट ग्‍युरगीन वानामेई थेकी ङुरूङ जीउ थे खोरोङते च्‍योकराङ लेमु जोइओ। जेसुकैला थे खोरोङ अधीनला ज्‍य्‌वाच्‍येते शक्तिकी थेकी दोक खिओ।