मर्कूस 12:15 - जिरेल

¹⁵ ङ्योकोनगी थेला तिरो ज्‍येला फाप्‍कीताना माफाप्‍ते?” सिन सासुङ। थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी थेबाला “ख्‍योकोन च्‍यिला ङे सेम ता छोल्‍गीते? खै ङाला चाँदी डबलज्‍यीक नाङते। थेमे ङा ख्‍योकोनला सिरामीन,” सिन सिदुक।

मर्कूस 12:15 ပူးပေါင်းရင်းမြစ်များ

मत्ती 20:2

थेमे थे बेले ङीमाज्‍यीक निमेक हिसाबकी चाँदी डबलज्‍यीक तेरच्‍या खाईन थेकी खेतालाओन चाल्‍गीन काम खिताला ताङदुक्‍लो।

मत्ती 22:18

थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी “ख्‍योकोन चुक्‍तेन्‍दे ईन्‍दाका। ख्‍योकोन च्‍यिला ङे सेम ता छोल्‍गीते?

मर्कूस 10:2

थेमे कोई कोई फरिसी पाटी मि येशू ओत्‍सादु लेप्‍सुङ। वाकीन थेबेकी थे सेम तेइनकामा “सुइँदेकी फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मर्कूस 12:14

थेमे थे मिओनगी येशू ओत्‍सादु लेप्‍कीन “गुरू, मिओनला खुई साँचोते बातकामा खिओ सिन ङ्योकोनला छ्या ओत। परमेश्‍वर बात लोप्‍जीन खो छ्ये छ्ये मि सुङताङ ज्‍यीबा मिक्‍किओ। परमेश्‍वरगी च्‍यि च्‍यि खि साबा ओते सिन छ्ये टेक्‍टे मेडेला खाला खुई गाङेला लेमु खाला लोप्‍क्‍यो। थोगी ङ्योकोन गुरू खोल्‍ला बातज्‍यीक ठामीन। ङुरूङगी रोमी गेल्‍बोला तिरो ज्‍येला परमेश्‍वर नियमताङ डिगीताना मिडिक्‍ते?

मर्कूस 12:16

थेबेकी चाँदी डबल बिन्‍नामेई थेकी थेबाला “दि डबलला सुई गोः नक्‍सा दुका? थेमे सुई छाप दुका?” सिन ठिसुङ। थोक सिरजीन थेबेकी “रोमी गेल्‍बोते,” सिन सासुङ।

लूका 20:23

थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

यूहन्‍ना 8:6

थेकी खाबाते बातला खइँदा गल्‍ती तेन्‍ला थेकी गल्‍ती खासुङ सिराप सिन थेबेकी थोक साबा ओतान। थेबेकी थोक सानामेई येशूचेन खुङ खुगीन लाक्‍पे जुकी साला टिक्‍पाला स्‍यूसुङ।

शक्ति काम 5:9

थेमे पत्रुसकी थेलाङ “ख्‍योकोन ङिबोकी डिगीन च्‍याकीन ख्‍योकोनगी ढाँर खाबाते बात प्रभु येशू आत्‍मेकी च्‍यि छ्या स्‍येओङारो सिन चुक खाईन विचार खिता थुप्‍सुङा? लो खुई ख्‍योबोला दिक गालाते मिओन ग्‍युरगीन उथेमा गोई खादु लेप्‍सुङ। था थेबेकी खोल्‍लाङ खेरला दिइओ,” सिन

१ कोरिन्‍थी 10:9

थेमे थेबा लाला लालेकी खाबाच्‍योक ङुरूङगीङ प्रभु परमेश्‍वरगी दोक खित्‍च्‍या ईन्‍दाकाना मेन्‍दाका थेमे थेकी ङुरूङगी खाबाते काम थोङच्‍या ईन्‍दाकाना मेन्‍दाका सिन थे सेम ता मेङगो। परमेश्‍वर सेम ताबेकी खित्‍सादु थेकी रूल लै खाईन थोक च्‍युत्‍कीन थेबाला स्‍यिर च्‍युता ओतान।

हिब्रू 4:13

परमेश्‍वरताङ छ्याक्‍ला ईप्‍ला सुङगीङ छ्याःङ खिता मुथुबो। सा नाम खाङ नाम खापा च्‍यि ओङगीन दुका, सुई च्‍यि खिका सिन थेकी गाङे थोङला छ्या स्‍येक्‍यो। थेमे ङीमा लेनज्‍यीक मि गाङेकी दाक्‍पोनगी खाबाते लेमु मेलेबा गाङे कामताङ बातकी हर हिसाब थेला तेरा फाप्‍क्‍यो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।