मर्कूस 11:32 - जिरेल

³² मेन मिकीका ताङाते ईन सिइ सासीन मिओनगी ङुरूङला चुक खाओङा?” सिन बात खासुङ। यूहन्‍ना परमेश्‍वर बात खित्‍कान्‍ते मि ओतान सिन मि गाङेकी मान खिन ओतान। थोगी मिओन ज्‍यीबेकी थेबेकी यूहन्‍नाला थे काम खि सिन मिकी कोताते ईन सिन सिरच्‍ये आँट माक्‍यासुङ।

मर्कूस 11:32 ပူးပေါင်းရင်းမြစ်များ

मत्ती 11:9

थोगी थेपा ख्‍योकोन ज्‍येनतोक छ्याःङ ताप्‍ला मेन्‍देकी परमेश्‍वर बात खित्‍कान्‍ते मिज्‍यीकलाका तार गाला ओतान मेन? थोक खाईन ख्‍योकोन ठेता खित गालाते यूहन्‍नानी परमेश्‍वर बात खित्‍कान्‍ते मिकामा मेन, थे भन्‍दाङ छ्येते ईन।

मत्ती 14:5

ईन्‍दानी हेरोदकी थेला सेताङ चाला ओतान। तर मिओनगी यूहन्‍नाला परमेश्‍वर बात खित्‍कान्‍ते सिन माने खाबा ओतेकी थेबे ज्‍यीबेकीङ थेकी थोक खिता थुपा मेतान।

मत्ती 21:46

थेला जिन्‍दा चाल्‍सुङ। तर ज्‍येन गाङेकी थेला परमेश्‍वर बात खित्‍कान्‍तेराङ ईन सिन मान खितेकी थेबे ज्‍यीबेकीङ थेबेकी थोक खिता माथुप्‍सुङ।

मर्कूस 11:31

थोक सानामेई थेबाबरी था च्‍यि सिरापना च्‍यि सिराप गाल्‍गीन खोपरोङ नाङ दोक सिन ठो खिताला स्‍यूसुङ। “था दिला च्‍यि सिरच्‍ये? यूहन्‍नाला थे काम खिताला परमेश्‍वरगी ताङाते ईन सिइ सासुङ सासीन दिकी ङुरूङला च्‍यिला थे बात माङेन्‍दे सिरच्‍या ओङसुङ।

मर्कूस 11:33

थोगी ज्‍येनतोक छ्याःङ सिरा माथुपेई थेबेकी येशूला “थेला थोक खि सिन सुई ताङाते ईन्‍दे सिन ङ्योकोनला छ्याःङ छ्या मेत,” सिन सिदुक। थेमे थेकीङ “थोक सासीन दुरू दोक खित्‍च्‍येते अधिकार ङाला सुई बिन्‍दाते ईन्‍दे सिन ङाङ ख्‍योकोनला मिसिरो,” सिन सिदुक।

मर्कूस 12:12

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई थे छ्ये छ्ये पूजारीताङ धर्मे गुरूओनगी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी छ्याःङ खिता माथुपेई थोकराङ गाल्‍सुङ।

मर्कूस 6:20

च्‍यिला सासीन यूहन्‍ना परमेश्‍वरगी खि साबा साबा च्‍योकराङ खित्‍कान्‍ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्‍यीबेकी यूहन्‍नाला सुङगीङ छ्याःङ मेलेबा खिता मुथुप्‍स्‍यीत सिन लेमु खाईन ज्‍याक्‍पा ओतान। बेला बेलाला यूहन्‍ने बात ङेन्‍जीन हेरोदला लेमु लाबा ओतान। थे खोरोङगी खाबाते मेलेबाते काम सम्‍झे खित्‍जीन यूहन्‍ने बात ङेन्‍नामेकी जहिलेङ थेला सेमला चुक ईन चुक ईन लाङगीन ओतान।

लूका 20:19

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई धर्मे गुरूओनताङ छ्ये छ्ये पूजारीकी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी थोक खिता माथुप्‍सुङ।

लूका 22:2

थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान। मिओन ज्‍यीबेकी थेबेकी थेला थोक खाला खाराक्‍पा सेता छोल्‍गीन ओतान।

यूहन्‍ना 10:41

थे थेरू देत्‍जीन थे ओत्‍सादु मि काल्‍बेई ख्‍योल्‍सुङ। थेमे थेबेकी “यूहन्‍नेकी अचम्‍बते काम छ्याःङ खाबा मेतान। थोक ईन्‍सीनोङ थेकी दि मि विषयला साबाते बातचेन गाङे ईन्‍दातेराङ दुका,” सिन बात खासुङ।

शक्ति काम 5:26

थे मिकी थोक सानामेई पुलिस छ्येते मि थे खोरोङ मिओन टीकीन मन्‍दिरपा गाल्‍सुङ। थेमे छ्याःङ जबरजस्‍ती मिक्‍किता खाईन लुकीन थेबाला टीकीन खुला लिच्‍युङ। थेबाला खइँदा जबरजस्‍ती खासीन थेरू ओताते मिओनगी खोपरोङला दोईकी ग्‍याप्‍ला सेत्‍कीता सिन ज्‍यीबेकी थेबेकी थेबाला छ्याःङ मिक्‍किता खाईन टीकीन खेरसुङ।