मर्कूस 10:52 - जिरेल

⁵² थेमे येशूकी थेला “लो लेमु खाला ग्‍युक। ङे खोल्‍ला थोङा थुप्‍च्‍या जोइओ सिन खुई ङाला विश्‍वास खाबेकी खो थोङच्‍या गालाते ईन,” सिन सिदुक। थेकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थेङ येशूताङराङ ख्‍याम्‍सुङ।

मर्कूस 10:52 ပူးပေါင်းရင်းမြစ်များ

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 12:22

थेरूई मिओनगी ल्‍हन्‍डीक खोबाते मिज्‍यीकला येशू ओत्‍सादु क्‍याल्‍सुङ। ल्‍हन्‍डीक खोबा ओतेकी थे मि मिगीङ मोथोङच्‍या थेमे बादोङ खिता मुथुप्‍च्‍या गाला ओतान। येशूकी थे मिदुकी ल्‍हन्‍डीक तेन्‍गीन ताङनामेई थे मि मिगी थोङच्‍याताङ बादोङ खिता थुप्‍च्‍या गाल्‍सुङ।

मत्ती 15:28

थोक सानामेई थेकी “ङे खोरोङगी साबाच्‍योक पक्‍काराङ खिओ सिन ङाला विश्‍वास खाबेकीराङ ङे खुई खाला नाङ साबाच्‍योक खाबाप। खुई फुमु नाङदुकी ल्‍हन्‍डीक तेन्‍गीन ताङा ओत,” सिन सिदुक। येशूकी थोक सिरासात्तु थे फेम्‍मे मिते फुमुते दाक ठाक्‍पा ओतान।

मत्ती 21:14

थेमे अन्‍धतेताङ ख्‍याम्‍बा मुथुप्‍कान्‍ते कुज्‍येतेबा थेरू मन्‍दिरदु येशू ओत्‍सादु ख्‍योल्‍सुङ। थेमे थेकी थेबाला मिगी थोङच्‍या थेमे ख्‍याम्‍बा थुप्‍च्‍या जोकीन बिन्‍सुङ।

मत्ती 8:3

थेकी थोक खाबा थोङगीन येशूकी लाक्‍पेकी थेला दोइनकामा “ङा खोल्‍ला ठाक्‍पा खिओ। लो खो ठाक्‍स्‍यीत,” सिन सिदुक। थोक सिराईताङ थे मिते जे तोरगीन थे दाक ठाक्‍सुङ।

मत्ती 9:22

थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

मर्कूस 1:31

थेमे शिमोनबे आबी ङ्याल्‍सापाराङ गाल्‍गीन थेकी थेला लाक्‍पाला जुम्‍गीन लाङसुङ। थोक खिताईताङ थेते ठास्‍युम दाक छ्याक्‍सुङ। थेमे थेकी लाकीन गाङेला साप जोकीन बिन्‍सुङ।

मर्कूस 5:34

थेमे थेकी “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत। खुई बेथेकी था खोल्‍ला नोमुङ दुक्‍पा मेतेरो,” सिन सिदुक।

मर्कूस 8:25

थेकी याङराङ थे मि मिकनापा लाक्‍पा ज्‍याक्‍सुङ। थोक खानामेकी थे मि लेमु खाईन जेसुकै थोङच्‍या गाल्‍सुङ।

लूका 7:50

येशूकीचेन थेबे बातला नामज्‍योकराङ मेसेता खाईन थे फेम्‍मे मिला लोईन “खुई खोरोङ पाप ङे माफ खिता थुप्‍क्‍यो सिन विश्‍वास खाबेकी ङे खुई पाप गाङे माफ खाबा ओत। लो था खोले खोले ग्‍युक। थेमे लेमु खाला देत,” सिन सिदुक।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

यूहन्‍ना 9:32

सा नाम जोबा छुरला केजीनमेईराङ अन्‍ध ओताते मिला दोक खाईन थोङच्‍या जोदुक्‍लो सिरच्‍येते बात समेदोङ थोरूमसाक सुङगीङ थोबा मेत।

यूहन्‍ना 9:39

थेमे येशूकी “मोथोङकान्‍ते मिओनगी स्‍वर्गे नाम्‍दाक थोङा थुप्‍स्‍यीत थेमे लेमु खाला थोङगीदुक सिरकान्‍तेबाचेन अन्‍ध ईन सिन छ्या स्‍ये ज्‍युताला ङा दुरू वाबाते ईन,” सिन सिदुक।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।