मर्कूस 10:48 - जिरेल

⁴⁸ थोक खित्‍जीन येशूताङ ख्‍याम्‍बा ओताते मिओनगी थेला “खो दोक खाला छेरा माकेत, खाराक्‍पा देत,” सिन ङारसुङ। थेबेकी ङारसीनोङ थेकी “ए दाऊद सन्‍तान येशू, ङे दुक्‍पा थोङला नाङ,” सिन झन कस्‍स्‍ये खाईन छेरा खासुङ।

मर्कूस 10:48 ပူးပေါင်းရင်းမြစ်များ

मत्ती 19:13

थेमे कोई कोईकी येशूकी खोपरोङ फिजाओनला लाक्‍पा ज्‍याक्‍ला प्रार्थना खाला तेरस्‍यीत सिन थे ओत्‍सादु खुला लिच्‍युङ। थेरू फिजाओन खुलाङा थोङगीन चेलातेबेकीचेन “फिजाओनते दुरू छ्याःङ काम मेत, थेबाला दुरू खुला माङ,” सिन थाप्‍सुङ।

मत्ती 20:31

थोक खित्‍जीन येशूताङ ख्‍याम्‍बा ओताते मिओनगी थेबा ङिबोला “ख्‍योकोन दोक खाला छेरा माकेत, खाराक्‍पा देत,” सिन ङारसुङ। थेबेकी ङारसीनोङ थेबा ङिबो “ए दाऊद सन्‍तान प्रभु, ङ्योकोन दुक्‍पा थोङला नाङ,” सिन झन कस्‍स्‍ये खाईन छेरा खासुङ।

मत्ती 9:27

थेमे येशू थे खाम्‍बादुई ख्‍याम्‍सुङ। थेरूकी ख्‍याम्‍नामेई लामला अन्‍ध मेन्‍दा ङिकी “ए प्रभु, दाऊद गेल्‍बो सन्‍तान, ङ्योकोन दुक्‍पा थोङला नाङ,” सिन छेरा खिनकामा थे तिङ ङ्यासुङ।

मर्कूस 10:13

थेमे कोई कोई मिकी येशूकी खोपरोङ फिजाओनला लाक्‍पा ज्‍याक्‍ला आशी तेरस्‍यीत सिन थे ओत्‍सादु क्‍याल्‍सुङ। थेरू फिजाओन खुलाङा थोङगीन चेलातेबेकीचेन “फिजाओनते दुरू छ्याःङ काम मेत। थेबाला दुरू खुला माङ,” सिनकामा थाप्‍सुङ।

मर्कूस 5:35

थोक खाला येशू बात खिन खिनलाराङ थे मिटिङ खित्‍च्‍येते खाम्‍बे छ्येते मि याइरस खाम्‍बापेकी मिओन थेरू लेप्‍कीन “हजूर, खुईते फुमु स्‍यिसुङ। था गुरूला च्‍यिला दुक्‍पा तेरच्‍ये,” सिन सिदुक।

लूका 18:39

थोक खित्‍जीन येशूताङराङ गोमा गोमा ख्‍याम्‍बा ओताते मिओनगी थेला “खो दोक खाला छेरा माकेत, खाराक्‍पा देत,” सिन ङारसुङ। थेबेकी ङारसीनोङ थेकी “ए दाऊद सन्‍तान येशू, ङे दुक्‍पा थोङला नाङ,” सिन झन कस्‍स्‍ये खाईन छेरा खासुङ।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।