मर्कूस 10:40 - जिरेल

⁴⁰ ईन्‍सीनोङ तिरी सु सुला थोक छ्येज्‍यीक मान बिन्‍ला ङाराङ फारताङ छुरला ज्‍य्‌वाच्‍ये सिरच्‍येते अधिकारचेन ङात्ताङ मेत। परमेश्‍वरगी ङे फारताङ छुरला देताला छाने खाबाते मिओनराङ थोक खाला ङात्ताङ देत्‍क्‍यो,” सिन सिदुक।

मर्कूस 10:40 ပူးပေါင်းရင်းမြစ်များ

मत्ती 13:11

थोक सिरजीन थेकी “स्‍वर्गे राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। ज्‍येनलाचेन दि बात खो च्‍युता मेत।

मत्ती 20:23

याङराङ थेकी “ईन्‍दाका ख्‍योकोनगीङ ङे च्‍योकराङ दुक्‍पा भोगे खिता फाप्‍क्‍यो। ईन्‍सीनोङ तिरी सु सुला थोक छ्येज्‍यीक मान बिन्‍ला ङाराङ फारताङ छुरला ज्‍य्‌वाच्‍ये सिरच्‍येते अधिकारचेन ङात्ताङ मेत। आबेकी ङे फारताङ छुरला देताला छाने खाबाते मिओनराङ थोक खाला ङात्ताङ देत्‍क्‍यो,” सिन सिदुक।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

यूहन्‍ना 17:2

थोक खिताला खुई खोरोङ फुज्‍युङला मि गाङेला राज्‍य खित्‍च्‍येते अधिकार बिन्‍दा ओत। दोक खाईन खुई थे लाःक्‍तु जिम्‍मा बिन्‍दाते मि गाङेला थेकी नोमुङ मिसिन्‍च्‍येते जुनी तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

शक्ति काम 1:7

थोक सिरजीन थेकी थेबाला “दोक खित्‍च्‍येते नाम च्‍यि छोमु खित ज्‍युत्‍च्‍ये सिरच्‍येते बात आबा थे खोरोङगीराङ खित्‍च्‍येते काम ईन। दि बात ख्‍योकोनला छ्या स्‍येबा माफाबो।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।