मर्कूस 10:30 - जिरेल30 परमेश्वरगी दि जुनीलाङ आबा आमा, आज्यो न्वा आज्यी नुमु, फुज्युङ फुमु च्योक्तेताङ खाम्बा थेमे जग्गा जिमीन ज्येनोङ झन काल्बेई तेरग्यो। ईन्दानी थेबाला किम्मु मेङगो। ज्येनगी थेबाला दुक्पा तेरग्यो। था ओङच्येते सत्य जुग वानामेई थेबेकी नोमुङ मिसिन्च्येते जुनीङ ङेत्क्यो। အခန်းကိုကြည့်ပါ။ |
मर्कूस 10:30
32 ပူးပေါင်းရင်းမြစ်များ
दोक दोक ओङला पीरताङ तापकी नाङ देता फाप्सीनोङ ङ्योकोन सधैँ छ्याःङ पीर मेताते मि च्योक खाला गा खिन देत्क्यो। थेमे ङेराङ लाला साकान्ते च्योक्तेन्दे ओत्सीनोङ ङ्योकोनगी खाबाते कामगी खित्सादु मिओनगी परमेश्वरगी तेरच्येते जति गाङे ङेत्क्यो। लोक्ला ङ्योकोन ङेराङते सिराते छ्याःङ मेताते कङ्गाली च्योकराङ ईन्सीनोङ परमेश्वरगी खित्सादु ङेत्ताङ जेसुकै ओत।
ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
जतिराङ दुक्पा ओङजीनोङ खपे खिन देत्कान्ते मि भाग्यमानी ईन सिन ङुरूङला छ्या ओत। थाङबो अय्यूबकी चुक दुक्पा खपे खाबा ओताने थेमे थे दुक्पा खपे खाईन सिन्नामेकी प्रभु परमेश्वरगी थेला चुक लेमु खाबा ओताने सिन ख्योकोनला छ्याराङ ओत। प्रभु परमेश्वरचेन मिओनला आउदी ङिङज्ये खित्कान्ते ईन। थे आउदी दया खित्कान्ते ईन।
लो विचार खिते, आबा परमेश्वरगी ङुरूङला चुक आउदी ङिङज्ये खासुङा। थेकी थोक आउदी ङिङज्ये खाईन ङुरूङला थे खोरोङ फुज्युङ फुमु ईन सिओ। ईन्दाबोङ ङुरूङ थे फुज्युङ फुमुराङ ईन। दि सा लुङबे मिओनगी ङुरूङ चुक्ते मि ईन्दे सिन छ्याःङ छ्या मेस्येओ। च्यिला सासीन थेबेकी परमेश्वर सु ईन्दे सिन छ्या मास्येसुङ।
च्यि सासीन ख्योकोनला ज्येनगी दुक्पा बिन्दाते बात ङाला छ्या ओत। थेमे ख्योकोनला दाङच्या ख्योप्च्या मेत सिनोङ ङाला छ्या ओत। ईन्सीनोङ ख्योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्किकान्ते मिओनगी ईन्दा मेन्दे दोष लै खाईन ख्योकोन विरोध खाबाते बात ङाला छ्या ओत। थेबाचेन शैतानताङ डिक्कान्ते मि ईन।
थोगी ङा ख्योकोनला च्यि खि सिते सासीन खेराङला जेसुकै दाङस्यीत ख्योप्स्यीत सिन मेला लुगीन ताकीन सक्कली दुका सिन छ्या स्येबाते सेर ङात्ताङ ङ्यो, ङोचा लाङच्या पेर्दुङबाराङ ओतेकी खोन्दाला ख्योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्यीत सिन ङात्ताङ ओताते मलम ङ्योला कु।
ကြော်ငြာတွေ