मर्कूस 10:21 - जिरेल

²¹ थेकी थोक सिरजीन येशूला ङिङज्‍ये लासुङ। थेमे थेकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

मर्कूस 10:21 ပူးပေါင်းရင်းမြစ်များ

मत्ती 16:24

थेमे येशूकी चेलातेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

मर्कूस 10:22

थेकी थोक सानामेई थे मिकी सेम सेत्‍सुङ। थेमे छ्येतराङ सेत्‍कीन थेरूई गाल्‍सुङ। थे आउदी छ्युक्‍पु ओतेकी थोक खाईन थेरूई गाला ओतान।

मर्कूस 8:34

थेमे येशूकी चेलातेबाताङ थेरू मि गाङेला दोन्‍दु काताङसुङ। थेमे थेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकी दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

लूका 10:42

खिता फाप्‍च्‍येते कामज्‍यीककामा ओत। थे काम मरियमगी खिन दुक। दोक माकेत सिन दिला सुङगीङ सिरा मेङगो,” सिन सिदुक।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 16:9

ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 19:41

थेमे यरूशलेम खादु लेप्‍कीन थे सारला लेमु खाईन थोङनामेई येशूकी थे सारगी मिओन लाईदु पीर खाईन मिकच्‍युक ताङसुङ।

लूका 9:23

थेमे थेकी याङराङ चेलातेबाताङ थेरू मि गाङेला “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन ङीमे ठाङमा थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 2:45

खोपरोङ नाङ सुइँदाला खइँदा गोसुङ सासीन थेबेकी खोपरोङ स्‍यीङताङ सम्‍पत्तितेबा च्‍वालाङ थेबे खाँचो टारे खिन ओतान।

२ कोरिन्‍थी 12:15

थोक ईन्‍देकी ख्‍योकोनला लेमु ओङस्‍यीत सिन ङाङ स्‍याप स्‍याप खाला दुक्‍पा खाला खाला काम खिओ। ङानी ख्‍योकोन लाईदु ङाराङ ज्‍यानराङ तेरा फाप्‍सीनोङ नाइँ मिसिरो। ङे ख्‍योकोनला दोक आउदी ङिङज्‍ये खानामेई च्‍यि ख्‍योकोनगी ङालाङ थोजोराङ ङिङज्‍ये खिता माफाबो?

२ तिमोथी 3:12

ईन्‍दालाचेन येशू ख्रीष्‍टताङ जीउज्‍यीकराङ ओङगीन परमेश्‍वरला मन परे खित्‍च्‍येते काम खिता छोल्‍कान्‍ते मि गाङेला ज्‍येनगी दाक खेदापानी खिओ।

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।

याकूब 2:10

सुइँदेकी परमेश्‍वर नियम नाङ ज्‍येन जति गाङे ङेन्‍गीन दोक्‍पोईकामा माङेन्‍सुङ सासीन थे नियम गाङे माङेन्‍दा छेतराङ ईन।

छ्या स्‍ये च्‍युताते बात 2:14

थोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक बात ङि ओत। च्‍यि सासीन ख्‍योकोन नाङ लाला लाला बालामगी लापाते बात ङेन्‍कान दुक। बालामगीचेन बालाक गेल्‍बोला ल्‍हाला पूजा खाबाते सोसीन ओङगो, रन्‍डीबाजी थेमे होदि च्‍योक्‍ते खिता मेङच्‍येते काम खासीनोङ ओङगो सिन लाप्‍कीन बिन्‍गीन इस्राएलीओनला थोक खित च्‍युता ओतान।

छ्या स्‍ये च्‍युताते बात 2:20

दोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक ओत। चुक सासीन ख्‍योकोनगी जिजेबेलगी साबाते बात ङेन्‍गीदुक। थेकी थे मोरोङला परमेश्‍वर बात खित्‍कान्‍ते फेम्‍मे मि ईन साला ङे काम खित्‍कान ख्‍योकोनला मेन्‍दा मेन्‍दा बात लाप्‍ला रन्‍डीबाजी थेमे होदि च्‍योक्‍ते खिता मेङच्‍येते काम खित च्‍युत्‍ला थेमे ल्‍हाला पूजा खाबाते सार च्‍युत्‍ला लुइदुक।

छ्या स्‍ये च्‍युताते बात 2:4

दोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक ओत। च्‍यि सासीन ख्‍योकोनगी ङाला गोमा च्‍योकराङ खाला ङिङज्‍ये मिक्‍किदुक।