मर्कूस 10:17 - जिरेल

¹⁷ थेमे येशू थेरूई ख्‍याम्‍बा खाबा ओते बेलाला मिज्‍यीगी छ्य्‌वाकीन वाकीन थे काम्‍बाला से खिन “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

मर्कूस 10:17 ပူးပေါင်းရင်းမြစ်များ

मत्ती 17:14

येशूताङ थेबा सुमबो मिओन जम्‍मा ओङा ओत्‍सामा लेप्‍सुङ। थेबा थेरू लेप्‍नामेई थेबे नाङ मिज्‍यीगी येशू खादु वाकीन थे काम्‍बा तेक्‍ला से खिनकामा

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 28:8

थेरू थोक ओङनामेई थेबा ङिबो ज्‍यीबा खिन तर येशू सोम्‍बो लोक्‍पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्‍सुङ।

मर्कूस 1:40

ङीमाई जेबोज्‍यीक येशू ओत्‍सादु लिच्‍युङ। वाकीन मान खिन खोबुकला देत्‍कीनकामा थेकी “खुई ङाला ठाक्‍पा खिता चाल्‍सीन ङा ठाक्‍च्‍या ओतान आङ गुरू,” सिन सासुङ।

मर्कूस 10:18

थोक सिरजीन थेकी थेला “खो ङाला लेमु मि सिन मासेर। परमेश्‍वरकामा लेमु ईन सिन सिरा फाप्‍क्‍यो।

मर्कूस 12:14

थेमे थे मिओनगी येशू ओत्‍सादु लेप्‍कीन “गुरू, मिओनला खुई साँचोते बातकामा खिओ सिन ङ्योकोनला छ्या ओत। परमेश्‍वर बात लोप्‍जीन खो छ्ये छ्ये मि सुङताङ ज्‍यीबा मिक्‍किओ। परमेश्‍वरगी च्‍यि च्‍यि खि साबा ओते सिन छ्ये टेक्‍टे मेडेला खाला खुई गाङेला लेमु खाला लोप्‍क्‍यो। थोगी ङ्योकोन गुरू खोल्‍ला बातज्‍यीक ठामीन। ङुरूङगी रोमी गेल्‍बोला तिरो ज्‍येला परमेश्‍वर नियमताङ डिगीताना मिडिक्‍ते?

मर्कूस 9:25

थेमे मि गाङेराङ छ्य्‌वाकीन वाकीन थेरूराङ ह्रुप रूपा थोङगीन येशूकी थे ल्‍हन्‍डीकला “खुई दि फिजे नामज्‍योक ओन च्‍युत्‍कीन दिला लाटा जोला दुक। खो दि फिजादुकी थेन्‍ला ग्‍युक। थेमे याङराङ नोमुङ दि फिजाला मादो,” सिन कोत्‍सुङ।

लूका 10:25

थेमे पालोई धर्मे गुरूज्‍यीगी येशू ओत्‍सादु वाकीन थे सेम ता चाल्‍सुङ। थेकी “गुरू, नोमुङ मिसिन्‍च्‍येते जुनी ङेताला ङे च्‍यि खिता फाबोङा, लाप्‍ला नाङना,” सिन सिदुक।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

शक्ति काम 16:30

थेमे थेबा ङिबोला फिनामा खेरगीन च्‍याकीन “हजूरवे, था ङे च्‍यि खासीन ङा पापकी सजायदुकी थारा थुबोङा?” सिन ठिसुङ।

शक्ति काम 2:37

थेरू जम्‍मा ओङाते मिओनगी पत्रुसकी खाबाते दि बात थोकीन खोपरोङगी चुक छ्येज्‍यीक गल्‍ती खाबा ओता ईन्‍दाका सिन छ्या स्‍येकीन पत्रुस थेमे येशू ख्रीष्‍टकी खटे खाबाते ज्‍येनतेबा गाङेला “आज्‍यो न्‍वावे, थोक ईन्‍सीन था ङ्योकोनगी च्‍यि खिसे ओना?” सिन ठिसुङ।

शक्ति काम 20:32

था ङा ख्‍योकोन गाङेला परमेश्‍वर लाःक्‍तुराङ सोम्‍पे खिओ। थेमे थेकी दया खिओ सिन छ्या स्‍येच्‍येते गा लाङच्‍येते बात ङेन्‍गीन देत सिनोङ सिओ। दोक खिन देत्‍सीन ख्‍योकोनगी प्रभु येशूला झन लेमु खाला विश्‍वास खिता थुप्‍क्‍यो। थेमे परमेश्‍वरगी सेम खुदुक जोबाते मि गाङेला तिरी तेरग्‍यो साबाते जति गाङे ख्‍योकोनलाङ तेरग्‍यो।

शक्ति काम 9:6

लो था खो लाला सारनापा ग्‍युक। खुई च्‍यि च्‍यि खिता फाप्‍कीते सिन था ङा खोल्‍ला थेपाराङ लाप्‍ला तेर ज्‍युत्‍क्‍यो,” सिनोङ सिरा थोसुङ।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

तीतस 3:7

दोक खाईन थेकी ङुरूङला दया खाईन दोषी मेन सिन साबा ओतेकी ङुरूङगी आश खाईन गुकीन देताते थेकी तेरग्‍यो साबाते नोमुङ मिसिन्‍च्‍येते जुनी ङेत्‍च्‍या ओङा ओत।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

१ पत्रुस 1:4

थेकी थे खोरोङ मिओनला स्‍वर्गने तेरग्‍यो सिन साबाते ङेत्‍क्‍यो सिन ङुरूङ गुकीन देता ओत। थेने ङुरूङगी ङेत्‍च्‍येते नोमुङ नाश मोन्‍डोओ, सिन्‍ला तोरलाङ मोन्‍डोओ।

१ यूहन्‍ना 2:25

थेबाताङ डिक्‍ला देता ङेत्‍च्‍येतेराङ येशू ख्रीष्‍टकी ङुरूङला तेरग्‍यो साबाते नोमुङ मिसिन्‍च्‍येते जुनी ईन।