मर्कूस 1:38 - जिरेल

³⁸ थोक सिरजीन थेकी “ङा दि सारदुकामा देत्‍ला मेङगो। था ङुरूङ देङला फार छुर ओताते ज्‍येन सारताङ युलला डुइ। ङे थेङले मिओनलाङ गा लाङच्‍येते बात लोपा फाप्‍क्‍यो। थे बात लोपालाराङ ङा देमा वाबाते ईन,” सिन सिदुक।

मर्कूस 1:38 ပူးပေါင်းရင်းမြစ်များ

मर्कूस 1:37

थेमे थेला ठेत्‍नामेकी थेबेकी “गुरू, मि गाङेकी खो खापा गाल्‍ताका सिन ठिइदुक,” सिन सासुङ।

मर्कूस 1:39

थेमे थे गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला गा लाङच्‍येते बात लोप्‍कीन ख्‍याम्‍सुङ। दोक खिन ख्‍याम्‍जीन ल्‍हन्‍डीक खोबाते मिओनदुकी ल्‍हन्‍डीकओन तेन्‍गीन ताङसुङ।

लूका 2:49

थेकी थेबाला “आबा आमाबा ख्‍योकोनगी ङाला च्‍यिला थोक दुक्‍पा खाईन गाङेपा चाले? ङा ङे आबा ओत्‍सादु देता फाप्‍क्‍यो सिन ख्‍योकोनगी छ्या स्‍येबा फाप्‍च्‍या ओतान,” सिन सिदुक।

लूका 4:43

तर थेकी थेबाला “ङा ख्‍योकोनताङकामा देता मेङेदो। था परमेश्‍वर राज्‍य गा लाङच्‍येते बात ङे दुरूकामा मेन्‍दाला ज्‍येन ज्‍येन ठाउँलाङ गाल्‍ला लोपा फाप्‍क्‍यो। दोक खितालाराङ परमेश्‍वरगी ङाला छाने खाईन देमा ताङाते ईन,” सिन सिदुक।

यूहन्‍ना 16:28

ङा आबा ओत्‍सानेकी दि सा लुङबादु वाबाते ईन। थेमे याङराङ थे ओत्‍सानेराङ ग्‍युरला डुइन ओत,” सिन सिदुक।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

यूहन्‍ना 17:8

खुई ङाला लापाते बातओन ङे गाङे थेबाला लापाप। थेमे थेबेकी थे बातओन ङेन्‍सुङ। ङा आबा खो ओत्‍सादुईराङ वाबाते दुका सिन थेबेकी लेमु खाईन छ्या स्‍येसुङ। ङाला खुईराङ ताङाते ईन्‍दा मेन्‍दा सिन थेबेकी छ्याःङ शंका माक्‍यासुङ।

यूहन्‍ना 9:4

ङीन ओत ओतसाक ङुरूङगी ङाला दुरू तोङकान्‍तेकी खि साबाते कामतेबा खिता फाप्‍क्‍यो। था नाम स्‍योक्‍यो। थेमे थेजीन सुङगीङ काम खिता मुथुबो।