मर्कूस 1:35 - जिरेल

³⁵ थेमे ङारो च्‍योक्‍ते ङोमुका नुपलाराङ लाकीन येशू च्‍यिकराङ देताप सिन पाङगी नाङपा गाल्‍सुङ। थेमे थेरू परमेश्‍वरला प्रार्थना खिताला स्‍यूसुङ।

मर्कूस 1:35 ပူးပေါင်းရင်းမြစ်များ

मत्ती 14:13

यूहन्‍नाला सेताते बात थोनामेकी येशूबा खोपरोङकामा देताप सिन मिओनताङ ठाल्‍गीन डुङ्गाला जेकीन थेरूई गाल्‍सुङ। थे थेरूकी गालाते बात छ्या स्‍येनामेई ठाउँ ठाउँकी मिचेन समुन्‍द्रे छेउताङ छेउ ख्‍याम्‍गीन थेला तिङ ङ्योगीन गाल्‍सुङ।

मत्ती 14:23

थोक खाईन गाङेला ताङनामेकी थे खोरोङचेन च्‍यिकराङ परमेश्‍वरताङ प्रार्थना खिताला बोमज्‍यीकने गाल्‍सुङ। नाम स्‍योला सिन्‍जीनोङ येशू बोमनेराङ ओतान।

मर्कूस 1:36

थे थेरूकी गालाते थाहा ङेत्‍नामेई शिमोनताङ थे र्‍वाओन थेला छोलाला गाल्‍सुङ।

लूका 5:16

तर थेबाताङकामा रूला देत्‍जीन परमेश्‍वरला प्रार्थना खिता माङेतेकी प्रार्थना खिताला येशूचेन बेला बेलाला च्‍यिकराङ पाङगी नाङपा डुइन ओतान।

लूका 6:12

थेजीनराङ बाजिई येशू परमेश्‍वरला प्रार्थना खिताला बोमज्‍यीकने गाल्‍सुङ। थेमे नुप खाङ थेनेराङ प्रार्थना खिन देत्‍सुङ।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 6:15

था थे मिओनगी वाला थे खोरोङला जबरजस्‍ती थेबे गेल्‍बो जोइओ सिन येशूकी छ्या स्‍येसुङ। थोक ईन्‍देकी थे दाक थेरूकी थे खोरोङकामा बोमने गाल्‍सुङ।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

फिलिप्‍पी 2:5

दाक्‍पोन खुशी मिक्‍किता खाला येशू ख्रीष्‍टकी चुक सेमगी काम खाबा ओताने ख्‍योकोनगीङ होथोक सेमगीराङ काम खि।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।