मर्कूस 1:3 - जिरेल

³ परमेश्‍वरगी तोङगो साबाते होथे मि बात खिन यशैयेकी “रीला मिज्‍यीगी छेरा खिनकामा ‘था प्रभु परमेश्‍वर दुरू ओङे बेला लेप्‍सुङ। थोगी मिवे, थे ओङगो सिन लेमु खाला लाम जो। थे ख्‍याम्‍बाला लाम सम्‍म जो,’ सिन सिओ,” सिनोङ टिबा ओतान।

मर्कूस 1:3 ပူးပေါင်းရင်းမြစ်များ

मत्ती 3:1

येशू नासरतदु देता ओत्‍जीनराङ बप्‍तिस्‍मा तेरकान्‍ते यूहन्‍नेकी मिओनला यहूदिये अञ्‍चल री नाङला परमेश्‍वर बात लोपाला स्‍यूसुङ।

मत्ती 3:3

तिरी मिज्‍यीक वाला री नाङला थोक खाला बात खिओ सिन परमेश्‍वर बात खित्‍कान्‍ते यशैयेकी थाङबोका दोक सिन साबा ओतान। चुक सासीन “रीला मिज्‍यीगी छेरा खिनकामा ‘था प्रभु परमेश्‍वर दुरू ओङे बेला लेप्‍सुङ। थोगी मिवे, थे ओङगो सिन लेमु खाला लाम जो। थे ख्‍याम्‍बाला लाम सम्‍म जो सिन सिओ,’ सिन सिओ,” सिन टिबा ओतान। यशैयेकी थोक खिताला ओङगो साबाते मिचेन यूहन्‍नाराङ ओतान।

लूका 3:2

थेजीन हन्‍नासताङ कैयाफा गाङे भन्‍दा छ्येते पूजारी ओतान। थेमे थे बेलालाराङ परमेश्‍वरगी थे खोरोङ बात लोप सिन जकरिये फुज्‍युङ यूहन्‍नाला थे कामगी जिम्‍मा बिन्‍सुङ। थेजीनसाक यूहन्‍नाचेन रीलाराङ देता ओतान।

यूहन्‍ना 1:15

यूहन्‍नेकी परमेश्‍वर फुज्‍युङ सु ईन्‍दे सिन मिओनला लाप्‍कीन बिन्‍सुङ। थेकी मि गाङे दोन्‍दु थेला छ्या स्‍येबा खाला तेरगीन “ङे ख्‍योकोनला गोमामेई ‘था ङे तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ सिन साबाते मिचेन दिराङ ईन,” सिन बात खासुङ।