मर्कूस 1:27 - जिरेल

²⁷ थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दि च्‍यि अचम्‍बज्‍यीक मि ईन्‍दाका। दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

मर्कूस 1:27 ပူးပေါင်းရင်းမြစ်များ

मत्ती 15:31

थोक खानामेई लाटातेबेकी बात खाबाते, कुज्‍येतेबा ठाक्‍पाते, ख्‍याम्‍बा मुथुप्‍कान्‍तेबा लेमु खाईन ख्‍याम्‍बाते थेमे अन्‍धतेबा थोङा थुप्‍च्‍या गालाते थोङगीन थेरू जम्‍मा ओङाते मि गाङे छक्‍क परे खासुङ। थेमे इस्राएलीओन परमेश्‍वर चुक अचम्‍बतेन्‍दे काम खित ज्‍युत्‍कान्‍ते ईन्‍दे सिन थेबेकी थेते जय जय खासुङ।

मत्ती 8:9

च्‍यिला सासीन ङा ङाराङोङ छ्ये छ्ये मिकी कोताते ङेन्‍कान्‍ते मि ईन। ईन्‍सीनोङ ङात्ताङोङ ज्‍येनला कोत्‍च्‍येते अधिकार ओत। थोगी ङे चावादु मिल्‍टेरीओनगी ङे कोताते ङेन्‍ग्‍यो। थेबा ङे ग्‍युक सिरजीन डुइओ थेमे स्‍योक सिरजीन ओङगो। थोकराङ खाला ङे ङाराङ योक्‍पोला दोक खि सासीन थेकीङ थोकराङ खिओ,” सिन सासुङ।

मत्ती 9:33

येशूकी थे ल्‍हन्‍डीक तेन्‍गीन ताङनामेकी थे मिकी बात खिताला स्‍यूसुङ। थोक थोङगीन थेरू ओताते मिओन छक्‍क परे खिन “ओहो, दोक्‍ते अचम्‍बते कामनी थातासाक ङुरूङ इस्राएल लुङबादु सुङगीङ खिता थोङा मेत,” सिन सिराला स्‍यूसुङ।

मर्कूस 1:26

थेमे थे ल्‍हन्‍डीककी थे मिला जाङा जिङा खाईन जा लोङाच्‍योक खाईन टोले जोसुङ। थेमे कस्‍स्‍ये खाईन छेरा खाईन थेन्‍गीन गाल्‍सुङ।

मर्कूस 1:28

थेकी खाबाते दि अचम्‍बते कामगी बात गालील अञ्‍चल खाङ गाङेपा फैले खासुङ।

मर्कूस 10:24

थेकी दोक सिरजीन चेलातेबाला आउदी अचम्‍ब लासुङ। लोक्‍ला थेकी थेबाला “ईन फिजावे, परमेश्‍वर राज्‍यने स्‍यूक्‍पाला आउदी दुक्‍पा ईन।

मर्कूस 10:32

येशू थेमे थेत्ताङ ख्‍याम्‍गीन ओताते मि गाङेराङ यरूशलेमने डुइन ओतान। येशूचेन थेबे गोमा गोमा ख्‍याम्‍बा ओतान। मि गाङेराङ आउदी खाईन आते खाबा ओतान। थेमे था थेने लेप्‍नामेई च्‍यि ओङगीताना सिन चेलातेबाचेन आउदी ज्‍यीबा खिन ओतान। थोक खाला डुइन डुइनला थेकी थे खोरोङ चेला च्‍युन्‍ङीला याङराङ मि नाङदुकी टिक्‍पी फजेकपा खेरगीन था थे खोरोङला चुक चुक ओङगीते सिन दोक सिन लाःपाला स्‍यूसुङ।

मर्कूस 16:5

थेमे थे फुगी नाङदुराङ स्‍यूला ताजीन थेबेकी खोलाक कार्मुई खोन्‍दाज्‍यीक स्‍याराज्‍यीक मिला खोपरोङ सामे छ्य्‌वापा देताते थोङसुङ। थेला थोङजीन थेबा आउदी खाईन ख्‍यारसुङ।

मर्कूस 16:6

थेमे थे मिकी थे फेम्‍मे मिओनला “ख्‍योकोन छ्याःङ ज्‍यीबा माकेत। ख्‍योकोनचेन स्‍यिङगी थामला टाँए खाईन सेताते नासरतपे येशूला छोलाला दुरू वाबाते ईन सिन ङाला छ्या ओत। थेनी दुरू मेत। थे स्‍यिसादुकी सोम्‍बो लोक्‍पा ओत। लो तो, येशू रो ज्‍याक्‍पाते ठाउँ दिराङ ईन।

मर्कूस 7:37

थेमे थे बात थोकान गाङेराङ अचम्‍ब माने खिन “आबिई, थेकी जेसुकै काम चुक लेमु खित्‍च्‍या ईन्‍दाका। थेकीनी ओन्‍बातेबाला थोच्‍या थेमे लाटातेबाला बात खिता थुप्‍च्‍या जोच्‍याक्‍वा,” सिन सिराला स्‍यूसुङ।

लूका 4:36

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

लूका 9:1

थेमे येशूकी थे खोरोङ चेला च्‍युन्‍ङीला दोन्‍दु काताङगीन च्‍याकीन थेबाला मिओनला खोबाते ल्‍हन्‍डीक तेन्‍ला तोङच्‍येते थेमे नाबाते मिओनला ठाक्‍पा खित्‍च्‍येते शक्तिताङ अधिकार बिन्‍सुङ।

शक्ति काम 17:19

थेमे थेबेकी पावलला अरियोपागस सिराते मिटिङ खित्‍च्‍येते खाम्‍बापा खेरगीन च्‍याकीन “खुई लोप्‍कीन ख्‍याम्‍बाते बात ङ्योकोनला छ्या स्‍येबा सेम लासुङ।