मत्ती 9:37 - जिरेल

^37-38 थोगी थेकी चेलातेबाला “स्‍यीङदु थोक्‍पा रूक्‍पा फाप्‍च्‍येते बाली काल्‍बेई ओत्‍कीन खेतालाचेन टिक्‍पीईकामा ओत्‍सीन स्‍यीङगी धनीला ज्‍येनोङ खेताला गोच्‍या दुक सिन सिरा फाप्‍क्‍यो मेन? थोकराङ खाला ज्‍येनला परमेश्‍वर बात लोप्‍कान्‍ते मि टिक्‍पीईकामा ओतेकी थोक्‍ते मि काल्‍बेई फेल छ्युत सिन ख्‍योकोनगी परमेश्‍वरला प्रार्थना खि। च्‍यिला सासीन स्‍वर्गे राज्‍यदु स्‍यूक्‍पा छोल्‍कान्‍ते मि आउदी काल्‍बेई दुक,” सिन सिदुक।

मत्ती 9:37 ပူးပေါင်းရင်းမြစ်များ

मत्ती 20:1

थोरूमोङ बात खिन येशूकी “परमेश्‍वरगी स्‍वर्गे राज्‍यदु काम खित्‍जीन दि कथाला साबा च्‍योकराङ खाला खिओ। चुक सासीन बाजिई ठाउँज्‍यीक्‍तु अंगूर खेती खित्‍कान्‍ते स्‍यीङगी धनीज्‍यीक ओतानलो। ङीमाई थे खेताला ङेत्‍से नाङपा ङोमुका खेताला छोल गाल्‍दुक्‍लो।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

लूका 10:2

थेबाताङ बात खिन थेकी “स्‍यीङदु थोक्‍पा रूक्‍पा फाप्‍च्‍येते बाली काल्‍बेई ओत्‍कीन खेतालाचेन टिक्‍पीईकामा ओत्‍सीन स्‍यीङगी धनीला ज्‍येनोङ खेताला गोच्‍या दुक सिन सिरा फाप्‍क्‍यो मेन? थोकराङ खाला ज्‍येनला परमेश्‍वर बात लोप्‍कान्‍ते मि टिक्‍पीईकामा ओतेकी थोक्‍ते मि काल्‍बेई फेल छ्युत सिन ख्‍योकोनगी परमेश्‍वरला प्रार्थना खि। च्‍यिला सासीन परमेश्‍वर राज्‍यदु स्‍यूक्‍पा छोल्‍कान्‍ते मि आउदी काल्‍बेई दुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

शक्ति काम 16:9

त्रोआसदु लेपे छोमु ग्‍वाका परमेश्‍वरगी पावलला मिलाम खित ज्‍युताच्‍योक खित च्‍युत्‍तुक। थोक ओङजीन पावलगी म्‍यासिडोनिये लुङबे मिज्‍यीगी थे ओत्‍सादु वाकीन “ओर्च्‍ये, ङ्योकोन ओत्‍सापा वाला ङ्योकोनला मद्धत नाङ,” सिन सिरा थोङदुक।

शक्ति काम 18:10

च्‍यिला सासीन दि सारदु था मि काल्‍बेईकी ङाला विश्‍वास खिओ। ङा खोत्ताङराङ देत्‍क्‍यो। खोल्‍ला सुङगीङ छ्याःङ मेलेबा खिता मुथुबो,” सिन सिदुक।

१ कोरिन्‍थी 3:9

ङ्योकोनचेन परमेश्‍वरताङ डिक्‍ला काम खित्‍कान्‍ते ईन। थेमे ख्‍योकोनचेन परमेश्‍वर स्‍यीङ च्‍योक्‍ते ईन। दोस्‍यिककामा मेन, ख्‍योकोननी परमेश्‍वरगी जोइन ओताते खाम्‍बाराङ ईन।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

कलस्‍सी 4:11

थेमे युस्‍तस सिराते येशूतेङ नमस्‍ते ओत्‍लो। येशू ख्रीष्‍टला विश्‍वास खित्‍कान्‍ते यहूदी नाङ अरिस्‍तार्खस, मर्कूस थेमे युस्‍तस दिबा सुमबोकामा ज्‍येनगीङ परमेश्‍वर राज्‍य बात छ्या स्‍येला ङेन्‍स्‍यीत सिन ङात्ताङ डिक्‍ला ख्रीष्‍टकी बात लोप्‍कीन ओत। दिबेकी दोक खाईन मद्धत खाबाते ङाला लेमु ओङसुङ।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

याकूब 5:4

च्‍यि सासीन ख्‍योकोनगी खेराङ स्‍यीङदु काम खित्‍कानताङ बाली थोक्‍कान रूक्‍कान खेतालाओनला बनी माबिन्‍देकी थेबा ङुबाते छ्येज्‍यीक शक्ति ओताते प्रभु परमेश्‍वरगी थोबा ओत।